Kelishilgan Tasdiqlayman «Ammofos-Maxam»

1.13.1.2 Quyidagilarni bilishi kerak:
Xomashyo va yordamchi materiallarning fizik - kimyoviy xossalarini, ularga qo`yiladigan talablarni, ishlash usullari, asosiy asbob - uskunalarning tuzilishi va ishlash prinsipini, xizmat ko`rsatayotgan uchastkadagi armatura sxemasi va kommunikatsiyalarni, texnologik jarayonning mohiyati va tartibga solish qoidalarini, texnologik rejimni, xomashyo va tayyor mahsulotga qo`yiladigan talablarni.
1.13.2 4-toifali donadorlash apparatchisi
1.13.2.1 Avtomatik regulirovka (tartibga solish), avtomatik blokirovka bilan jihozlangan baraban - granulyatsiya - quritish (BGS) apparatida malakasi yuqoriroq bo`lgan apparatchi rahbarligida donadorlash (granulyatsiyalash) jarayonini olib borish, FP-25 forsunkasi orqali BGS apparatiga bug’latilgan quyqaning bir maromda uzatilishini kuzatib borish. Quyqani purkovchi forsunkaga bug’, havoning uzatilishini tartibga solish. Texnologik rejimga muvofiq BGS apparatida temperatura (xarorat) rejimini, FP-25 forsunkasida havo va parning bosimini ta`minlash, shuningdek quyqaning kontsentratsiyasi, tayyor mahsulotning granulometrik (donadorlik) tarkibini ta`minlash. Granulalarning sifatini ko`z bilan chamalab aniqlash, namunalarni tanlab olish. Talab qilinadigan xomashyoni va chiqishdagi tayyor mahsulotni hisob - kitobini qilish, BGS apparatiga, nasoslarga, ventilyatorga, KGM-15ning o`txonasiga, moy stantsiyasiga va boshqa asbob - uskunalarga xizmat ko`rsatish. Asbob - uskunalar ishidagi nosozliklarni bartaraf etish. Apparat va kommunikatsiyalarni (gazoxod, quyqa tarmog’i) tozalash. Asbob - uskunalarni ta`mirga tayyorlash, ta`mirlashdan qabul qilib olish.
1.13.2.2 Quyidagilarni bilishi kerak:
Texnologik jarayon mohiyati va uni tartibga solish qoidalarini, xomashyo va yordamchi materiallarning (tabiiy gaz, bug’, elektroenergiya) fizik - kimyoviy xossalarini, ularga qo`yiladigan talablarni,texnologik sxemani bilish. Asosiy va yordamchi asbob -uskunalarning tuzilishi, ishlash prinsipi, xizmат ko`rsatayotgan uchastkadagi armatura sxemasi va kommunikatsiyalarni, namunalarni tanlab olish qoidalarini.
1.13.3 5-toifali donadorlash apparatchisi
1.13.3.1 Avtomatik regulirovka (tartibga solish), avtomatik blokirovka bilan jihozlangan baraban - granulyatsiya - quritish (BGS) apparatida malakasi pastroq bo`lgan apparatchiga rahbarlik qilgan holda texnologik jarayonini olib borish, donadorlash (granulyatsiyalash) va quritish. Asbob - uskunalar, avtomatika vositalarining holatini tekshirish. Donadorlash jarayonida ishtirok etadigan moddalarning kerakli miqdori va sifatining hisob - kitobini qilish. Xomashyo uzatilishini, tayyoр mahsulot chiqishini, gaz sarfini, havoning uzatilishini, havoning bosimini avtomatik nazorati vositalari va NO`AvaA yordamida tartibga solib borish. Texnologik rejim me`yorlaridan (keyinchalik matnda - TRM) chekinishlarni oldini olish va ularni bartaraf etish. Talab etiladigan o`lchamlardagi granulalar (donachalarni) olish jarayonining to`g’ri olib borilishini kuzatish va nazorat qilib borish. Ish yo`riqnomasiga muvofiq tahlillarni o`tkazish. BGS apparatining barcha tizimlari normal ravishda ishlashini kuzatib borish. Asbob - uskunalarning nosozliklarni bartaraf etish. "Havo - gaz" nisbatlarining o`zgarishiga qarab, KGM-15 o`txonasida yonish rejimini tanlash. Gorelkalarni yoqish, qo`lda boshqarish rejimidan avtomatik rejimga o`tkazish.