Kelishildi” Oliy va oʻrta maxsus ta’lim vazirligi

3.2.Adabiyot o‘qitish metodikasi
- Mazkur o‘quv predmetining nazariy asoslarini; badiiy asarni estetik tahlil qilish va baholash mezonlarini; adabiyot o‘qitishda o‘quvchilarning og‘zaki va yozma nutq malakalarini o‘stirishning shakl va usullarini; dars jarayoniga qo‘shimcha adabiyotlarni, yangi axborot hamda turli pedagogik texnologiyalarni jalb qila olishni bilishi kerak;
- talaba o‘zbek adabiyoti bo‘yicha maktab, akademik litsey, kasb-hunar kollejlari ta’limining mohiyati va prinsiplarini o‘zlashtirishi; o‘quv qurollarining mavjudligiga qarab usullar tanlay olishi; badiiy asarni mustaqil tahlil qila bilishi; adabiyot darslarida milliy mafkura va mustaqillik g‘oyasini targ‘ib qila olish ko‘nikmalariga ega bo‘lishi kerak.
- talaba ta’limning turli bosqichlarida mazkur fan yuzasidan namunali dars o‘tish, turli tadbirlarni o‘tkaza olish, zamon talabidagi darslarni tashkil qila olish, shuningdek, ta’limning turli bosqichlarida o‘quvchilarning yosh xususiyatlariga qarab ta’lim va tarbiyaning metod va usullarini amaliyotga tadbiq eta olish malakalariga ega bo‘lishlari lozim.

3.3.O‘zbek tili va adabiyot o‘qitishning innovatsion pedagogik texnologiyasi
«O‘zbek tili va adabiyotini o‘qitishda innovatsion texnologiyalari» fanini o‘zlashtirish jarayonida amalga oshiriladigan masalalar doirasida bakalavr:
- mazkur o‘quv predmetining nazariy asoslarini bilishi; badiiy asarni lingvistik tahlil qilish va baholash mezonlarini bilishi; innovatsion pedagogik texnologiyalarning mohiyatini, ularning o‘xshash va farqli tomonlarini, pedagogik imkoniyatlarini bilish, o‘qitishning barcha usullaridan unumli foydalanish, og‘zaki va yozma nutqni takomillashtirib borish, yangi ta’lim mazmunini eski usul bilan berib bo‘lmasligini anglay olish, yangicha tamoyillar asosida adabiy asarlarni o‘rganish, o‘quvchi-talaba mustaqil fikrlovchi shaxs, o‘zbek tili va adabiyoti o‘qitishda o‘quvchilarning og‘zaki va yozma nutq malakalarini o‘stirish; dars jarayoniga qo‘shimcha adabiyotlarni, yangi axborot hamda turli texnologiyalarni jalb qila bilishi kerak;
- talaba o‘zbek tili va adabiyotini o‘qitishning innovatsion texnologiyalari bo‘yicha maktab, akademik litsey, kasb-hunar kollejlari ta’limining mohiyati va prinsiplarini o‘zlashtirishi; o‘quv qurollarining mavjudligiga qarab usullar tanlay olishi; ona tili va adabiyot darslarida milliy mafkura va mustaqillik g‘oyasini targ‘ib qila olishi ko‘nikmalariga ega bo‘lishi kerak;
- talaba ta’limning turli bosqichlarida mazkur fan yuzasidan namunali dars o‘tish, turli tadbirlarni o‘tkaza olish, zamon talabidagi darslarni tashkil qila olish malakalariga ega bo‘lishlari lozim.