Кейс №1 Шухрат

КЕЙС №1
Шухрат 10 ёшда, у махсус мактабга боради. У ота-онаси билан яшайди ва унинг 5 ёшли синглиси бор. Шухрат иккинчи синфгача оддий мактабда ўқиди, бироқ ўзлаштириши тушиб кетганидан кейин ўқитувчилар ота-онасига уни махсус мактабга ўтказишни маслаҳат беришди. Асосий норозилик Шухратнинг маълумотларни тушунишда ва эслаб қолишда қийналиши, дарсларда жуда пассив ва эътиборсиз иштирок этади.
Мактабдаги барча тадбирларда Шухратнинг онаси Дилором иштирок этади. Дилором камгапирадиган ва бўш аёлга ўхшайди. Ўқитувчининг уйдаги аҳволни сўраб берган саволларига одатда ҳаммаси яхши деб жавоб беради.
Ўқитувчи Шухратнинг мактабдаги тажовузкор хулқидан хавотирда. У кўпинча болаларга тегажоғлик қилади, ўзаро жанжалларда шафқатсизлик кўрсатади.
Ўқитувчининг Шухрат билан боғлиқ муаммоларни маслаҳатлашиш учун уйга келиш ва ота-онаси билан учрашиш ҳақидаги таклифи онани ташвишлантирди ҳамда уйга келиш шарт эмаслигини, ўзи мактабга келишини ва ўқитувчи билан гаплашишини маълум қилди.
Кеча Шухрат мактабга жуда хафа ҳолда келди ва у иссиқ бўлишига қарамай, узун енгли кўйлак кейган эди. Эртаси куни онаси ўқитувчига телефон қилиб, унинг йиқилиб қўлини синдирганини ва касалхонада ётганлигини маълум қилди.
Бунга ишонч ҳосил қилиш учун, ўқитувчи касалхонага телефон қилди. Унга Шухратнинг қўли ва иккита қовурғаси синганлигини, танасида эса, кўплаб кўкарган ва қонталаш жойлари борлигини маълум қилишди.
Ўқитувчи Шухратнинг онасига телефон қилиб, аслида нима бўлганлигини аниқламоқчи бўлди. Онаси Шухрат отасига ёрдамлашаётганида ишкомдан (узум ишкоми) йиқилганлигини айтди. Суҳбатнинг сўнггида у йиғлаб юборди ва гўшакни қўйиб қўйди. Ўқитувчи қайта телефон қилганида, телефонни отаси олди ва ўқитувчини бировларнинг ишига аралашаётганликда айблаб уришди ва ўғлининг масаласини ўзи ҳал қилишини билдирди.
Саволлар:

1. 
   10 балли шкалада ҳолатнинг жиддийлигини баҳоланг, бунда 1 – минималь, 10 – максималь даража.
   
2. 
   Мазкур ҳолатда боланинг қандай эҳтиёжлари қондирилмаяпди?
   
3. 
   Мазкур ҳолатда болага нисбатан таҳдид омилларини таҳлил қилинг.
   
4. 
   Бола ушбу оилада зўравонликнинг қайси турларига дучор бўлмоқда ёки дучор бўлиши мумкин?
   
5. 
   Мазкур ҳолат Шухрат ва унинг синглиси учун қандай оқибатларни келтириб чиқариши мумкин?