Kdirbayev Saparbaydiń

Ájiniyaz atındaǵı Nókis mámleketlik pedagogikalıq institutı magistrantı Kdirbayev Saparbaydıń “5A110401-Aniq hám tábiyiy pánlerdi oqıtıw metodikası” (“Matematika”) qánigeligi boyınsha magistr akademiyalıq dárejesin alıw ushın, usınılǵan “Matematika oqıtıw metodikasında tariyxıylıqlar” atamasındaǵı magistrlıq dissertaciya jumısına
SIN
Bul magistrlıq dárejesin alıwǵa jazilǵan dissertatsiya tiykarinan matematikani oqıtıwdı tariyxiy jaqtan izertlewge arnalǵan.
Bul dissertaviya jumısında áyyemgi xalıqlarda matematika pánine qaratılǵan itibar, pándi úyreniwge bolǵan umtılıwlar keltirilgen.
Jánede bul dissertaciya jumısında belgili matematik - alım, Ózbekstan Respublikası Ilimler akademiyasınıń akademigi, fizika-matematika ilimleri doktori, professor Azimbay Sadullaev ómiri hám miynetlerinen úlgiler keltirilgen. Elimiz matematikleri házirgi kúnge matematika tarawın dúnya standartları menen bayıtıwǵa háreket etip atırǵanlıǵı kórsetip ótilgen. Elimizde ótkerilip atırǵan Al-Xorezmiy atındaǵı xalıq aralıq olimpiadalar hámde ilimiy konferenciyalar bunıń ayqın dálili dep aytıwǵa boladı.
Belgili bolǵanınday, tariyxıy maǵlıwmatlardı tiykarǵı matematikalıq materiallar menen birge jıynap bayanlaǵanda studentlerdiń bilimge degen ıqlası birneshe ese kóteriledi hám olardıń materialdı ózlestiriw jedelligi artadı. Izertlenetuǵın materialdıń tereńligin bir ilimpazdıń ilimiy dóretiwshiligi menen óz-ara baylanıstırıp, tariyxıy aspektin ashıw studentlerdi ayrıqsha qızıqtıratuǵını da usını tastıyıqlaydı. Tilekke qarsı, matematika oqıtıwshıları zárúrli dárejede tariyxıy maǵlıwmatlarǵa itibar qaratpaydı, bunıń sebeplerinen biri, tusinikli tilde jazılǵan ádebiyatlardıń kemshiliginde dep oylaymız. Sonlıqtan bul magistr akademiyalıq dárejesin alıw ushın jazılǵan magistrlıq dissertaciya jumısı usı boslıktı, az da bolsa, toltıradı degen umittemiz.
Kdirbayev Saparbaydiń « Matematika oqıtıw metodikasında tariyxıylıqlar» atamasındaǵı magistrlik dissertaciya jumısına qoyılǵan barlıq talaplarǵa tolıq juwap beredi hám onıń avtorı 5A110401-Aniq hám tábiyiy pánlerdi oqıtıw metodikası (“Matematika”) qánigeligi boyınsha magistr dárejesin alıwǵa ılayıq dep esaplayman.

Berdaq atındaǵı Qaraqalpaq
mámleketlik universiteti,