Kdb bank O’zbekiston

G’aznachilik operasiyalari
“KDB Bank O’zbekiston” O’zbekistondagi xorijiy kapital ishtirokidagi asosiy xalqaro bank hisoblanadi va dunyo moliyaviy standardlaridan kelib chiqqan holda keng G’aznachilik amaliyotlari xizmatini taklif qiladi:
Banklararo pul bozoridagi amaliyotlar
KDB Bank O’zbekiston ichki va tashqi pul bozorlarida o’rnatilgan limitlar doirasida asosan erkin almashinuvchi valyutada hamda O’zbekiston Respublikasi milliy valyutasidagi banklararo depozitlarni joylashtirish/jalb qilish orqali o’z amaliyotlarini olib boradi.
Foreks amaliyotlari*
Ushbu yo’nalish bo’yicha KDB Bank O’zbekiston banklararo valyuta bozori orqali qilinadigan amaliyotlarni taklif qiladi. Ushbu xizmatlar banklar bilan bir qatorda korporativ mijozlarga ham taklif qilinadi. Zamonaviy texnologiyalar mijozlar murojatlarini asosiy xorijiy valyutalar (AQSH dollari, Evro), shuningdek Britaniya funti, Yaponiya yeni, Rossiya rubli kabi valyutalarda tezkor hamda samarali bajarish imkoniyatini bermoqda. Bundan tashqari, boshqa turdagi valyutalarda ham konversion amaliyotlar olib borish imkoniyati mavjud.
*Valyutani konversiya qilish amaliyotlari mijozning talabi hamda amaliyot summasidan kelib chiqqan holda TOD, TOM, SPOT sharoitlarida amalga oshiriladi. Qo’shimcha xizmat sifatida bank bozorning mavjud talablari, valyuta almashlash qiymati hamda uning aniq vaqt doirasida o’zgarish tahlili haqida mijoz talabi asosida ma’lumot taqdim qiladi.
Hosilaviy moliya instrumentlari bo’yicha amaliyotlar
KDB Bank O’zbekiston valyutaviy SVOP – forvard muddat shartlarida majburiy qayta hisoblashish valyuta operatsiyalari bo’yicha xizmatlarni taklif qiladi. SVOP operatsiyalari asosan xorijiy valyutalar AQSH dollari/Sum va Evro/Sum da o’tkaziladi. Agar lozim bo’lsa, Bankning G’aznachilik departamenti mutaxassislari ushbu amaliyot bo’yicha maslahat berishadi.
Valyuta amaliyotlari
Ushbu yo’nalishda KDB Bank O’zbekiston barcha asosiy turdagi erkin almashinuvchi valyutalarda banklararo valyuta amaliyotlari xizmatini taklif qiladi. Ushbu turdagi operatsiya katta miqdordagi naqd pul ko’rinishidagi xorijiy valyutani shu turdagi naqdsiz ko’rinishdagi valyutaga oldi-sotdi qilish orqali amalga oshiriladi.
Vostro hisob varaqlari orqali xizmat ko’rsatish
KDB Bank O’zbekiston Vostro hisob varaqlariga xizmat ko’rsatish bo’yicha to’liq xizmat turlatini taklif qiladi. Vostro hisob varaqlari orqali xizmat ko’rsatish banklarning SWIFT ko’rsatmalari yoki boshqa to’lov qonunlariga ko’ra hamda O’zbekiston Respublikasining qonun hujjatlari va xalqaro qabul qilingan amaliyotlar asosida amalga oshiriladi.
Hamkorlik aloqalari
Global tarqalgan hamkorlik tarmog’i tufayli KDB Bank O’zbekiston turli valyutalardagi to’lovlarni tezda va samarali amalga oshirish imkoniyatiga ega. KDB Bank O’zbekiston AQSh, Yevropa, Osiyo va Rossiyadagi global banklar bilan kuchli hamda ishonchli aloqalar o’rnatgan. Bu borada hamkorlarimizga yaxshi narxlar, sifat hamda tezkor xizmatlarni taklif qilamiz.
Asosiy hamkor banklar:

• 
  JP Morgan Chase, NY (AQSh)
  
• 
  Commerzbank AG (Germaniya)
  
• 
  HypoVereinsbank AG (Germaniya)
  
• 
  KEB Hana Bank (Koreya Respublikasi)
  
• 
  Sumitomo Mitsui Banking Corporation (Yaponiya)
  
• 
  VTB Bank (Rossiya)
  
• 
  Promsvyazbank (Rossiya)
  
• 
  O’zbekiston Respublikasi Tashqi Iqtisodiy Faoliyat Milliy Banki (O`zbekiston)
  
• 
  Asaka Bank (O`zbekiston)
  

Biz bankimiz mijozlariga hamda hamkorlarimizga ko’rsatiladigan xizmatlarni yanada kengaytirish maqsadida biz bilan hamkorlik qiluvchi banklar ko’lamini oshirishda harakat qilmoqdamiz. Banklar bilan hamkorlikni rivojlantirish mijozlar talablariga va ko’rsatmalariga asosan samarali va uzluksiz hisob-kitobni amalga oshirishda yaxshi omil bo’lib xizmat qiladi.