Кўчмас мулк ва мулк ҳУҚУҚи амалий қўлланма

КЎЧМАС МУЛК ВА МУЛК ҲУҚУҚИ
92
Уй-жойни олди-сотди шартномасига асосан эгаллашда шартномани ёзма 
равишда тузишдан кейинги босқич, унинг нотариал тасдиқланиши бўлиб, 
“Нотариуслар томонидан нотариал ҳаракатларни амалга ошириш тартиби 
тўғрисида”ги Йўриқноманинг 3-бобига кўра у қуйидаги тартибда амалга 
оширилади: 
– 
уй-жойни бошқа шахсга ўтказиш бўйича битимлар мулк жойлашган 
ҳудуддаги нотариал идорада тасдиқланади;
– 
мазкур битимларни нотариал тасдиқлаш жараёни уларда иштирок 
этаётган фуқароларнинг шахсини, муомала лаёқатини белгиланган тартибда 
аниқлашдан, юридик шахсларнинг эса ҳуқуқ лаёқатини текширишдан 
бошланади. Битим вакил томонидан тузилган тақдирда унинг ваколати ҳам 
текширилади;
– 
нотариус томонидан фуқароларнинг муомала лаёқати улар билан 
шахсий мулоқот давомида аниқланади; 
– 
шундан сўнг нотариус томонидан ушбу уй-жойнинг мулкдорга 
тегишлилиги ҳолати текширилади.
Умрбод таъминлаш шарти билан уй, квартира, уйнинг ёки квартиранинг
бир қисмини бошқа шахсга бериш, олди-сотди, айирбошлаш, ҳадя тўғрисидаги
нотариал тасдиқланган шартнома
Суднинг қарори (ҳал қилув қарори, ажрим ва бошқалар) ёки суд ижрочисининг қарори 
ёхуд суд ижрочиси томонидан тасдиқланган ундирувчи ва қарздор ўртасида тузилган 
бино ва иншоотни бериш далолатномаси
Эр-хотиннинг умумий мол-мулкидаги улушига мулк ҳуқуқи тўғрисида берилган гувоҳнома
Уй, квартира, уйнинг ёки квартиранинг бир қисми бўлинганлиги тўғрисидаги битим
Уй, квартира, уйнинг ёки квартиранинг бир қисмини бошқа шахсга рента тўлови шарти 
билан ўтказилиши назарда тутилган нотариал тасдиқланган рента шартномаси
Уй, квартира, уйнинг ёки квартиранинг бир қисми аукционда сотиб олинганлигини
тасдиқловчи аукцион натижалари тўғрисидаги баённома
Уй, квартира, уйнинг ёки квартиранинг бир қисми очиқ савдода сотиб олинганлиги 
тўғрисида гувоҳнома
Тугатилаётган юридик шахсга тегишли бўлган бино ва иншоотни унинг муассислари (ишти-
рокчилари) ўртасида тақсимлаш (бўлиш) тўғрисидаги нотариал тасдиқланган келишув
Маҳаллий давлат ҳокимияти органининг қурилиши тугалланган бинони,
иншоотни, уйни фойдаланишга қабул қилиш тўғрисидаги комиссия далолатномасини 
тасдиқлаш ҳақидаги қарори
Нотариал тасдиқланган лизинг шартномаси
Меросга бўлган ҳуқуқ тўғрисидаги гувоҳнома
Қонун ҳужжатларига зид бўлмаган бошқа ҳужжатлар