Кбк: 60. 5(5Ў) 31 Санжар Юлдашев Социологик тадқиқот методологияси [матн] / С. Юлдашев. Т.: Тошкент ислом университети, 2018. 228 б. (575. 1) Кбк: 31

5. Тадқиқотнинг ташкилий режаси
Социологик тадқиқот дастури, хусусан, унинг методик қисми 
тадқиқотнинг ташкилий режасини тузиш орқали тугатилади.
Ташкилий режа тадқиқот босқичлари ва алоҳида тартиботларини 
бажариш учун вақт тақсимотини таърифлайди. У ҳар қандай иш 
режасига хос бўлган чизма асосида тузилади: бажарилаётган 
ишларнинг мазмуни, ижрочилари, бажариш муддатлари ва шу каби 
бошқа жиҳатлар. Тадқиқот режасида социолог фақатгина энг йирик 
бўлимларни кўрсатади.
Умуман олганда, ташкилий иш қуйидаги босқичлардан иборат:
− буюртмачи ва тадқиқотнинг ҳаммуаллифлари билан 
муносабатлар ўрнатиш: 
а) шартнома ва келишувларни расмийлаштириш; 
б) ахборотдан фойдаланиш йўлларини таъминлаш (ҳужжатлар, 
кузатилаётган вазиятлар, респондентлар); 
в) дала тадқиқотини ўтказиш учун ташкилий шароитлар яратиш 
(вақт, хона, шароитлар, оргтехника);
− тадқиқотни молиялаштириш ва кадрлар таъминоти;
− услубий воситаларни чоп этиш;
− зарур ҳолларда разведкавий ва/ёки пилотаж тадқиқот ўтказиш;
− асосий тадқиқотни ўтказиш;
− тадқиқот натижаларига ишлов бериш;
− эмпирик маълумотларни талқин қилиш ва тадқиқотнинг ишчи 
гипотезаларини текшириш;
− тадқиқотнинг назарий хулосаларини асослаш;
− амалий тавсиялар ишлаб чиқиш;
− буюртмачилар билан натижалар ва амалий тавсияларни 
муҳокама қилиш;
− амалий тавсияларни жорий қилиш ва/ёки уларнинг жорий 
қилинишини назорат қилиш;

---

70
− амалий тавсиялар жорий қилиниши самарадорлигини 
баҳолаш. 
Мисол тариқасида, қуйидаги социологик тадқиқотда ушбу 
бўлимнинг жойлаштирилиши билан танишиш мумкин:
 “Тошкент шаҳрида Хусусий уй-жой мулкдорлари 
ширкатларининг фаолиятига оид жамоатчилик фикри” 
Тадқиқотнинг ташкилий режаси
№