Kazusga javob: 1

Huquqni muhofaza qiluvchi davlat organlari 
qatoriga quyidagilarni 
kiritishimiz mumkin: prokuratura: surishtiruv va dastlabki tergov organlari; ichki 
ishlar organlari, davlat xavfsizlik xizmati organlari, milliy gvardiya, adliya 
organlari, advokatura, notariat.
Ushbu kazusda talaba Olimov 
advokatura va notariusni 
huquqni muhofaza 
qiluvchi organlar qatoriga kiritish notoʻgʻri ekanligini taʼkidlagan. Bu vaziyatga 
huquqiy baho berish uchun 
advokatura va notariat
tushunchalariga taʼrif beramiz.
 Advokatura — 
huquqiy institut bo‘lib, u advokatlik faoliyati bilan 
shug‘ullanuvchi shaxslar hamda xususiy advokatlik amaliyoti bilan shug‘ullanuvchi 
ayrim shaxslarning mustaqil, ko‘ngilli, kasbiy birlashmalarini o‘z ichiga oladi. 
Advokatura O‘zbekiston Respublikasi Konstitutsiyasiga muvofiq O‘zbekiston 
Respublikasi fuqarolari, ajnabiy fuqarolar, fuqaroligi bo‘lmagan shaxslarga, 
korxonalar, muassasalar, tashkilotlarga yuridik yordam ko‘rsatadi. 
( “Advokatura 
toʻgʻrisida” gi Oʻzbekiston Respublikasining Qonuni, 1-modda ). 
Notariat – 
O‘zbekiston Respublikasida qonunda nazarda tutilgan notarial 
harakatlarni hamda ular bilan bevosita bog‘liq huquqiy va texnik tusdagi 
harakatlarni notariuslar tomonidan amalga oshirish yo‘li bilan jismoniy va yuridik 
shaxslarning huquqlari hamda qonuniy manfaatlarini himoya qilishni ta’minlashga 
da’vat etilgan huquqiy institutdir. 
( “Notariat toʻgʻrisida” gi Oʻzbekiston 
Respublikasining Qonuni, 1-modda ). 

---

Yuqoridagi taʼriflardan kelib chiqqan holda advokatura va notariatni ham 
huquqni muhofaza qiluvchi organlar 
qatoriga kiritishimiz mumkin. Chunki 
advokatura va notariatning 
vazifasi 
 
ham boshqa huquqni muhofaza qiluvchi 
organlar singari jismoniy va yuridik shaxslarning huquqlari va qonuniy 
manfaatlarini himoya qilish hisoblanadi. Xulosa qilib aytadigan boʻlsak, ushbu 
vaziyatda baʼzi bir istisnoli holatlarni hisobga olmaganda, Aliyevni haq deb 
oʻylayman.