90. Bir omilli regression model turlari Har qanday ekonometrik tadqiqot o’zgaruvchilar oralaridagi bog’lanishlar nazariyasidan kelib chiqib modellarni shakllantirishdan boshlanadi. Avvalo natijaga ta’sir etuvchi omillar to’plamidan muxumlarini, ko’proq ta’sir etuvchilarini ajratib olinadi. Agarda iqtisodiy jarayonni belgilovchi asosiy omil ma’lum bo’lsa, u holda jarayonni o’rganish uchun juft regressiyaning o’zi etarli.Masalan, mahsulotga bo’lgan talab miqdori narxga nisbatan teskari bog’langan degan quyidagi gipoteza ilgari surilayotgan bo’lsa, ya’ni
Bunday hollarda yana qanday omillar ta’sir etishini, ularning qaysi biri o’zgarmas bo’lishi mumkinligini bilish kerak, balki ularni kelajakda modelda e’tiborga olish va oddiy regressiyadan ko’p omilli regressiyaga o’tish kerakdir. Juft regressiya tenglamasi kuzatuv natijalaridan olingan ma’lumotlarning o’rtacha qiymatini o’zgarish qonuniyatidan kelib chiqib ikki o’zgaruvchi orasidagi bog’lanishni ifodalaydi. Agar talabning narxga bog’liqligi masalan, tenglama bilan ifodalansa, u xolda bu tenglama narx 1 pul birligiga ortganda, talab o’rtacha 2 pul birligiga kamayishini ifodalaydi.Regressiya tenglamasida ko’rsatkichlar orasidagi korrelyatsion bog’lanish mos matematik funktsiyalar bilan ifodalangan funktsional bog’lanish ko’rinishida tasavvur etiladi. Amalda har bir alohida holatda kattalik quyidagicha ikkita qo’shiluvchidan tashkil topadi.
Tasodifiy miqdor - ta’siri modelda e’tiborga olinmagan omillarni, tasodifiy xatolarni va o’lchash xususiyatlarini o’z ichiga oladi.
Tasodifiy miqdorlarni modellarda e’tiborga olinishi quydagilar manbalar bilan bog’liq; modellarning tuzilishi; boshlang’ich mag’lumotlarni tanlab olish xususiyati hamda o’zgaruvchilarni o’lchash va ularni hisoblash xususiyatlari.
Ushbulardan kelib chiqib, yuqorida keltirilgan talabni narxga bog’liqligi tenglamasi quydagicha yoziladi;
Ko’rinib turibdiki, har doim ham tasodifiy xolatlarni e’tiborga olish uchun imkoniyatlar mavjud.
Talabni narxga teskari bog’liqligini albatta chiziqli funktsiya bilan tavsiflash shart emas. Bunday bog’lanishni tavsiflovchi boshqa munosabatlar ham mavjud, masalan:Shuning uchun tasodifiy miqdorning (xatolikning) katta kichikligi tanlab olingan modelni qanchalik to’g’ri tuzilganliga bog’liq. Tasodifiy miqdor qancha kichik bo’lsa, natijaviy ko’rsatkichning nazariy qiymati shunchalik, uning haqiqiy qiymati bilan ustma-ust tushadi.
Xatoga yo’l qo’yilishiga nafaqat matematik funktsiyani noto’g’ri tanlash, balki regressiya tenglamasida muhum bo’lgan omilni xisobga olmaslikka ham bog’liq, ya’ni ko’p omilli regressiyaning o’rniga juft regressiyani qo’llash ham sabab bo’ladi. Masalan ma’lum bir maxsulotga bo’lgan talab nafaqat uning narxiga, balki jonboshiga to’g’ri keladigan daromadga ham bog’liq bo’lishi mumkin. Xatolikka yo’l qo’lilishida ma’lumotlarni tanlashdagi xatolik ham sabab bo’lishi mumkin. Chunki tadqiqotchi ko’rsatkichlar orasidagi bog’lanish qonuniyatlarini aniqlashda tanlab olingan ma’lumotlar asosida ish ko’radi. Tanlashdagi xatolik ko’pchilik holatlarda iqtisodiy jarayonlarni o’rganishda boshlang’ich statistik ma’lumotlar to’plamini bir jinisli bo’lmaganligi uchun ham yuzaga keladi. Agar ma’lumotlar zamon va makonda bir jinisli bo’lmasa regressiya tenglamasi hech qanday ma’noga ega bo’lmaydi. Bunday holatlarda natijani yaxshilash uchun o’rganilayotgan statistik ko’rsatkichlarning anamal(haqiqatga to’g’ri kelamaydigan) qiymatlarini to’plash birliklaridan chiqarib tashlanadi.Regressiya usullarini amaliyotda qo’llashda ma’lumotlarni o’rganishdagi xatoliklar katta xavf tug’diradi.Agar noto’g’ri qurilgan modellarni ularni shaklini o’zgartirib xatolikni kamaytirish mumkin bo’lsa, ma’lumotlarni tanlashdagi xatolikni ma’lumotlar hajmini, ya’ni statistik to’plamni kattalashtirish bilan kamaytirish mumkin.
Ma’lumotlarni o’lchashdagi xatoliklar makrodarajadagi tadqiqotlarda katta axamiyatga ega. Bozor iqtisodiyoti sharoitida talab va ist’molni tadqiq qilishda asosiy o’zgaruvchi sifatida “aholi jon boshiga daromad” keng qo’llaniladi. Shu bilan birga daromad miqdorini statistik nuqtai nazaridan aniqlash(o’lchash)da qator qiyinchiliklarga duch kelinadi. Bu bo’yicha olinadigan ma’lumotlar xatodan holi emas, masalan, hisobdan chetda qoladigan yashirilgan daromadlarni aytish mumkin.
Ekonometrik tadqiqotlarda ma’lumotlarni o’lchab olishdagi xatolarni minimal holatga keltirilgandan so’ng asosiy e’tibor modellarni qurishdagi xatoliklarga qaratiladi.
Juft regressiyada matematik funktsiyani ko’rinishlarini tanlash uchta usul bilan amalga oshirilishi mumkin:
- grafik usuli;
- analitik usul, ya’ni o’zaro bog’lanishlarni o’rganish nazariyasidan kelib chiqib;
- eksperimental (tajriba)usuli;
