Катта гуруҳда йил давомида ўтказиладиган математикадан фаолият ишланмалари сон ва саноқ

Сон ва саноқ

Мавзу: 10 гача бўлган нарсаларнинг тартибини сонлар ёрдамида ифодалашни ўргатиш

Мақсад:

• 
  10 гача бўлган сонларни ёзувда фарқлашни ўргатиш.
  

Кутилаётган натижалар:

• 
  Болалар 10 гача бўлган сонларнинг ёзилиши билан танишадилар.
  

• 
  Болаларнинг миқдор, катталик ва фазовий тасаввурлари ривожланади.
  
• 
  Болаларда мустақил равишда саволлар тузиш ва жавоб бериш кўникмалари шаклланади.
  

Керакли жиҳозлар:

• 
  Фланелограф.
  
• 
  Ясси рангли таёқчалар.
  
• 
  Ҳайвонларнинг расмлари (ўлчами 5х5 см).
  
• 
  1 дан 10 гача рақамлар.
  

Фаолиятнинг бориши:
Тарбиячи: Болажонлар, саёҳатни ёқтирасизларми?
Болалар жавоби.
Тарбиячи: Бўлмаса топингчи, бугун биз саёҳатга қандай транспортда борамиз?
Узун нарвон,
Устида карвон. Бу нима?
Болалар жавоби: Бу поезд.
Тарбиячи: Қани ўзимизнинг поездимизни тайёрлайликда, йўлга чиқайлик. (Тарбиячи фланелографда кўрсатиб бажаради). Рангли таёқчалардан “поездингизни” тузинг. Энг калтасидан-энг узунигача таёқчаларни бирин-кетин бир чизиққа тузиб чиқинг. Биринчи вагонни сариқ рангдаги таёқчадан қиламиз. Кейинги вагонлар тўқ сариқ, оч яшил, тўқ яшил, қизил, тўқ қизил, оч кўк, тўқ кўк, бинафша, кулранг. Поездларни тузиб олдингизми? Унда кетдик.
Поездларингизда нечта вагон бор. Сариқ вагон нечанчи? Олтинчи вагон қандай рангда? Оч яшил ва қизил вагонлар ўртасида қандай вагон бор? Оч кўк вагоннинг чап томонида турган вагон қандай рангда? Ўнг томондагисичи? Вагончаларингизни чапдан ўнг томонга тартиб билан санаб чиқинг. Энди ўнг томондан чапга қараб сананг.
Вагонларнинг узунлигини айтаман, сиз уларни кўрсатасиз. Энг узун, калтароқ, энг калта. Энди тескарисини айтамиз: энг калта, узунроқ, энг узун. (Болалар саволларни давом эттирадилар).
Поезд вагонларига рақамлар қўйингчи. (Болалар ҳар бир “рангли таёқча” ёнига тўғри келадиган рақамларни қўядилар).