Катта ҳажмдаги маълумотларни бошқариш

Катта ҳажмдаги маълумотларни бошқариш


Режа:

1. 
   Асосий тушунчалар
   
2. 
   МББТда ишлаш технологияси
   
3. 
   АССESS МББТ
   

Маълумотлар базаси ҳозирги кунда алоҳида аҳамият касб этган. Бизнинг кундалик турмушимизда учрайдиган нарсаларнинг барчаси қайсидир маълумотлар базасида қайд қилинади. Маълумотлар базаси билан ишлай олиш компьютер билан ишлай олишнинг муҳим омилларидан ҳисобланади, буни уддасидан чиқа олганлар эса, фикримизча, ҳеч қачон ишсиз қолмайдилар.

Маълумотлар базаси
Маълумотларни сақлаш - компьютернинг муҳим вазифаларидан бири ҳисобланади. Маълумотлар базаси эса бу жараёнда иштирок этувчи энг муҳим омил саналади.
МББТ – (маълумотлар базасини бошқарувчи тизим) маълумотлар базаси ҳосил қилиш, уларни тўлдириш ва қайта ишлашни амалга оширувчи тизимдир. МББТда қўлланилувчи файл ҳам ҳар қандай файл каби 2 қисмдан: файл номи ва кенгайтмасидан ташкил топади, файлларнинг кенгайтмалари файллар типини аниқлайди.
Файл номи хохлаган ҳарф, рақам ва бошқа белгилардан (дефисдан ташкари) ташкил топиши мумкин, файл номи ҳарф билан бошланиши ва бўш позиция (пробел)ларга эга бўлмаслиги керак. Хозирги кунда кўплаб МББТлар қўлланилмоқда, уларнинг асосий қисми махсус тил сифатида яратилган. Бу тизимларни яхши ўзлаштирган фойдаланувчи ўзи учун қулай дастурлар яратиши, МБлар устида амалларни бажара олиши мумкин. Бундай тизимлар сарасига Cliррer, Рaradоx, FоxРrо тилларини кўрсатиш мумкин.
Маълумотлар базасининг структураси
Маълумотлар базаларининг (МБ) аксарият кўпчилиги жадвалсимон тузилишга эга. Жадвалсимон тузилишда керакли маълумотлар қатор ва устунларнинг кесишиши билан аниқланади. МБ да устунлар - майдонлар, қаторлар - ёзувлар дейилади. Майдонлар МБ структурасини ташкил қилса, ёзувлар эса унда сақланувчи маълумотни ўзида акс эттиради.

• 
  МБ структурасини яъши ташкил этиш учун, ҳеч қандай маълумоти йўқ бўш базани тасаввур қилиш лозим. Базада маълумот йўқ бўлишига қарамасдан, унда барибир маълумот бор. Бу маълумот МБнинг структураси, яъни майдонлар тўпламидир. Улар бу базага нима ва қандай ҳолатда ёзилишини аинқлаб беради.