Kationlarning II analitik guruhiga umumiy xarakteristika va ularning sifat reaksiyalari

Guruh reagenti va uning ikkinchi guruh kationlariga ta`siri
II-guruh kationlarini karbonatlar holida cho`kmaga tushirish uchun umumiy reagent sifatida faqat ammoniy karbonatni ishlatish mumkin. Bu maqsadda Na₂CO₃ yoki K₂CO₃ ishlatiladigan bo`lsa, eritmaga Na<sup>+</sup> yoki K<sup>+</sup> ionlarini oldindan kiritib qo`ygan bo`lamiz va bu ionlar analiz qilinayotgan eritmada oldin bo`lgan-bo`lmaganligini aniqlash qiyin bo`ladi.
(NH₄)₂CO₃ guruh reagenti ta`sirida Ca<sup>2+</sup>, Sr<sup>2+</sup>, Ba<sup>2+</sup> ionlarining suvda erimaydigan karbonatlari hosil bo`ladi:
Ca²⁺+CO^2-₃= CaCO₃
Sr²⁺+CO^2-₃= SrCO₃
Ba²⁺+ CO^2-₃= BaCO₃
Guruh reagenti suv ta`sirida kuchli gidrolizlanadi:
(NH₄)₂CO₃+HOH NH₄HCO₃+NH₄OH

NH⁺₄+HCO₃^-
Gidrolizlanish reaksiyasi tenglamasidan ko`rinib turibdiki, eritmada HCO<sup>-</sup><sub>3</sub> ionlari ham bo`ladi, uning kationlari bilan hosil qiladigan tuzlari Ca(HCO₃)₂ Sr(HCO₃)₂ Ba(HCO₃)₂ lar suvda yaxshi eriydi.
Demak,Ca²⁺ , Sr²⁺, Ba²⁺ kationlarining bir qismi cho`kmaga tushmaydi.
Ammoniy gidroksid ta`sir ettirilganda erkin kislotalar neytrallanadi, natijada muhit ishqoriy bo`lib Mg<sup>2+</sup> kationi asosli tuz hosil qilib cho`kmaga tushishi mumkin:
2MgCl₂+2(NH₄)₂CO₃+H₂O= Mg₂(OH)₂CO₃+4NH₄Cl+CO₂
eritmaga NH₄Cl tuzi eritmasidan qo`shilsa,muvozanat chapga siljiydi va Mg<sup>+2</sup> ioni eritmada qoladi.
Kationlarga guruh reagentining ta`sirini o`rganish uchun uchta probirkaning biriga CaC1<sub>2</sub>, ikkinchisiga SrCl<sub>2</sub> va uchinchisiga BaCl<sub>2</sub> eritmalaridan 2-3 tomchidan solib, ularning har-biriga NH<sub>4</sub>OH va NH<sub>4</sub>Cl ning 2N eritmasidan 1 tomchidan qo`shiladi va so`ngra probirkalarni suv hammomida qizdirib turib, (NH<sub>4</sub>)<sub>2</sub>CO<sub>3</sub> eritmasi ta`sir ettirilsa oq cho`kmalar (CaCO<sub>3</sub> SrCO<sub>3</sub> va BaCO<sub>3</sub>) hosil bo`lishi kuzatiladi.
Ikkinchi guruh kationlarining karbonatlari CO₂ gazini hosil qilib parchalanadigan kuchsiz kislota tuzlari bo`lganligi sababli cho`kma HCl , HNO₃ va CH₃COOH lar ta`sirida oson eriydi:
BaCO₃+2H⁺↔Ba²⁺+H₂O+CO₂