Bosim o`zgarishi bilan katalitik reaksiyalarning unumi umuman, Le-Shatelye prinsipiga bo`ysunadi. Lekin geterogen katalitik reyaksiyalarda jarayonning birinchi bosqichi adsorbsiyalanish bo`lgani uchun bosim bilan reyaksiyaning tezligi binobarin katalizatorning aktivligi ham o`ziga xos ravishda o`zgaradi.
Geterogen katalitik reyaksiyalarda effektiv konsentrasiya gaz muxitidagi gazlarning parsial bosimiga emas, balki ularning katalizatorga adsorbsiyalangan konsentrasiyasiga teng bo`lgani va adsorbsiyalanishi to`yinguncha bu konsentrasiya osha borgani sababli to`yinish bosimigacha bosim ashishi bilan reyaksiyaning tezligi ham osha boradi. Shuning uchun bosimning o`zgarishi faqat malekulalar sonining o`zgarishi bilan boradigan reyaksiyalarning (masalan, 3H2+N2=2NH3) tezligini emas, hatto molekulalar soni o`zgarmasdan boradigan reyaksiyalarning tezligini ham o`zgartiradi. Adsorbsiyalanishi to`yinish bosimidan so`ng yuzadagi konsentratsiya o`zgarmaganligi uchun yuqori bosimda reyaksiya tezligini o`zgartirmaydi.
Bosim o`zgarishi bilan reyaksiya tezligi tabiati turlicha bo`lishi mumkin. Ba`zan to`g`ri chiziq qonuni asosida ko`pincha esa o`ziga xos ravishda o`zgaradi. Bosimning o`zgarishi reyaksiyaning yo`nalishi ham o`zgartirib yuborishi mumkin. Vodorod bilan uglerod (II)-oksidi orasida boradigan reyaksiya bunga misol bo`la oladi. Reyaksiya oksid katalizator ishtirokida yuqori bosimda olib borilsa, metal spirt, juda yuqori bosimda esa yuqori malekulalli spirtlar hosil bo`ladi.
Kataliz hodisasi katta amaliy ahamiyatga ega. Yuzaki qaraganda tushunish qiyin bo`lgan hodisalarning yuz berishi oqibatida kataliz hodisasisning nazriyasini o`rganish zarurati tug`ildi. Hozircha katalizni to`la to`kis tushuntirib beradigan yagona nazariya yo`q, lekin katalizning turli tomonlarini alohida tushuntirib beruvchi nazariyalar mavjud. Ammo bu nazariyalar ham mukammal emas.
Kataliz nazariyasi tarixiy nuqtayi nazardan ikki gruppaga kimyoviy nazariya (oraliq birikmalar nazariyasi) bilan fizikaviy nazariyasiga bo`linadi.
Oraliq birikmalar nazariyasi gomogen katalizni yaxshi tushuntirib beradi, geterogen katalizda kuzatilgan turli faktlarning sababini tushuntirib bera oladi. Bundan tashqari bu nazariya kataliz hodisasini faqat kimyoviy tomonini hisobga olgan.
So`nggi vaqtlarda bu nazariya katalizning fizikaviy tomonini - adsorbsiyani e`tiborga oldi va oqibatda kataliz hodisasini to`laroq tushunishga imkon berdi.