Kassa muomalalari hisobi mavzuning maqsadi

5.1-mashq. Kassa muomalalari bo‘yicha xo‘jalik operatsiyalariga provodka berish

№	Xo‘jalik muomalalarining mazmuni	Summasi, so‘m	Schotlar aloqasi
			Dt	Kt
1	Hisob-kitob schotidan ish haqi uchun naqd pul olindi	128000
2	Kassadan ish haqi tarqatildi	112000
3	Mol yetkazib beruvchi va pudratchilarga hisob-kitob schotidan pul o‘tkazildi	150000
4	Hisob-kitob schotiga uzoq muddatli bank kreditlari kelib tushdi	2000000
5	Malakat ichidagi valyuta schotiga xaridorlardan pul kelib tushdi (1500$)	1500000
6	Mol yetkazib beruvchilarga mamlakat ichidagi valyuta schotidan avans mablag‘lari o‘tkazildi (400$)	400000
7	Hisob-kitob schotidan akkreditiv schotiga pul mablag‘i o‘tkazildi	500000
8	Valyuta schotidan chek daftarchalari schotiga pul mablag‘i o‘tkazildi (400$)	400000
9	Pul ekvivalentlari naqd pulga sotib olindi	30000
10	Pul o‘tkazish yo‘li bilan pul ekvivalentlari sotib olindi	120000
11	Qimmatli qog‘ozlar pul o‘tkazish yo‘li bilan sotib olindi	400000
12	Naqd pulga qimmatli qog‘ozlar sotib olindi	30000

Topshiriq:
1. «Gulshanoy-Fayzi» fermer xo‘jaligining «Xo‘jalik operatsiyalarini ro‘yxatga olish daftari»da xo‘jalik operatsiyalarini ikki yoqlama yozuvda aks ettiring.
2. Fermer xo‘jaliklarida mahsulot (ish va xizmat)lar ishlab chiqarish va tannarxini hisobga olishning normativ-huquqiy tartibga solinishini tushuntirib bering.


5.2-mashq. Kassa muomalalari bo‘yicha boshlang‘ich balansni tuzish, xo‘jalik operatsiyalariga provodka berish, oborot qaydnomasinini to‘ldirish


1.1. «Nurli-Zamin» fermer xo‘jaligi aktivlari va passivlari to‘g‘risida boshlang‘ich ma’lumot
Asosiy vositalar 158500 ming so‘m, asosiy vositalarning eskirishi 4815 ming so‘m, urug‘ 2000 ming so‘m, yoqilg‘i 8000 ming so‘m, asosiy ishlab chiqarish xarajatlari 63060 ming so‘m, kassadagi pul mablag‘lari 2000 ming so‘m, hisob-kitob schotidagi pul mablag‘lari 143000 ming so‘m, mol yetkazib beuvchilar va pudratchilarga to‘lanadigan schotlar 55550 ming so‘m, mehnat haqi bo‘yicha xodimlar bilan hisoblashishlar 11440 ming so‘m, budejtga to‘lovlar bo‘yicha qarz (turlari bo‘yicha) 1560 ming so‘m, maqsadli davlat jamg‘armalariga to‘lovlar 1560 ming so‘m, ustav kapitali 150000 ming so‘m, uzoq muddatli bank krediti 120000 ming so‘m, uzoq muddatli aktivlarni qayta baholash bo‘yicha tuzatishlar 8435 ming so‘m, tekinga olingan mulk 23200 ming so‘mni tashkil qiladi.


1.2. «Nurli-Zamin» fermer xo‘jaligida hisobot davrida sodir bo‘lgan xo‘jalik operatsiyasi
1. «Nurli-Bog‘» fermer xo‘jaligi ishchisi N.Majidov mart oyi besh kunga Samarqand viloyatiga asosiy ishlab chiqarish bilan bog‘liq bo‘lgan xizmat safariga yuborildi va unga kassadan 630 ming so‘m pul mablag‘i berildi.
2. Xizmat safari davomida N.Majidov 560 ming so‘m ishlatdi va oltinchi kun Toshkent viloyatiga yetib keldi.
3. Xizmat safari vaqtida ishlatilmagan pul mablag‘ini kassaga topshirdi va kassaga topshirilgan pul mablag‘i shu kunning o‘zida bankdagi hisob-kitob schotiga jo‘natildi.
4. Mart oyi uchun ishchi-xodimlarining ish haqlarini tarqatish maqsadida kassaga 11440 ming so‘m olib kelindi va uch ish kuni davomida 10000 ming so‘m ish haqi tarqatildi. Boisi, N.Majidov xizmat safarida bo‘lganligi sababli 1440 ming so‘m tarqatilmay qoldi.
5. Tarqatilmay qolingan pul mablag‘lari deponentga o‘tkizildi va hisob-kitob schotiga qaytarildi.
6. Omborda urug‘dan 800 ming so‘m kamomad aniqlandi. Aniqlangan kamomad summasi moddiy javobgar shaxs R.Zakirov zimmasiga olib borildi. U aniqlangan kamomad summasini kassaga naqd pulda to‘ladi va shu kunning o‘zida kassaga kelib tushgan pul hisob-kitob schotiga topshirildi.
7. Kassada inventarizatsiya o‘tkazildi va 1200 ming so‘m kamomad aniqlandi. Kamomad summasi kassir K.Raximov zimmasiga olib borildi va shu kunning o‘zida kirimga olinib, hisob-kitob schotiga topshirildi.


Topshiriq:
1. Schotlar bo‘yicha oborot qaydnomasining oy boshiga qoldiqlarini to‘ldiring.
2. «Nurli-Zamin» fermer xo‘jaligining «Xo‘jalik operatsiyalarini ro‘yxatga olish daftari»da xo‘jalik operatsiyalarini ikki yoqlama yozuvda aks ettiring.
3. Xo‘jalik operatsiyalarini guruhlashtirish jadvalini to‘ldiring.
4. Xo‘jalik opreatsiyalari natijasida schotlar bo‘yicha oborot qaydnomasining oy oxiriga qoldiqlarini to‘ldiring.
5. Fermer xo‘jaliklarida kassa opreatsiyalarining amalga oshirish qoidalarini tushuntirib bering.