Kashmir muammosi qanday hal qilinishi mumkin? Dasturimizning bugungi sonida Pokiston va Hindiston munosabatlari, oxirgi paytlarda ikki mamlakat o’rtasida yuzaga kelgan siyosiy inqirozga qisqacha to’xtalib o’tamiz

Kashmir muammosi qanday hal qilinishi mumkin?
Dasturimizning bugungi sonida Pokiston va Hindiston munosabatlari, oxirgi paytlarda ikki mamlakat o’rtasida yuzaga kelgan siyosiy inqirozga qisqacha to’xtalib o’tamiz.
Dasturimizning bugungi sonida Pokiston va Hindiston munosabatlari, oxirgi paytlarda ikki mamlakat o’rtasida yuzaga kelgan siyosiy inqirozga qisqacha to’xtalib o’tamiz.
Kuni kecha, 20 yil oradan so’ng yadroviy qurolga ega bo'lgan Hindiston va Pokiston orasida to'qnashuv kelib chiqishiga bir bahya qoldi. Hindistonning nazorati ostida bo'lgan Kashmir hududida 44 nafar hind harbiy xizmatchi o'ldirilganligi sababli, Hindiston havo kuchlariga oid harbiy samolyotlar Kashmirning Pokiston tomonidagi hududlarni portlatdi.
Pokiston darhol bu hujumga javob sifatida Hindistonga oid ikki nafar harbiy samolyotni urib tushirdi. Shuningdek, urib tushirilgan harbiy samolyotning uchuvchisi Pokiston tomonidan asrga olindi. Bir necha kun o'tib Pokiston vakillari asirga olingan harbiy uchuvchini Hindistonga qaytarib berdi.
Ushbu inqiroz Kashmir mintaqasi muammosidan kelib chiqdi. Keling endi, Kashmir muammosining asl mohiyati nimada ekanligiga bir razm solaylik.
Ankara Yildirim Beyazit Universiteti Siyosatshunoslik fakulteti dekani Professor Kudret Bulbulning ushbu mavzuga doir mulohazalarini e'tiboringizga havola qilamiz.
Ingilizlarning qadimiy siyosati…
Qizil tanli xalq orasida mashhur bo'lgan bir naql bor: "Agar bir daryoda ikki baliq urishayotgan bo'lsa, biroz avval o'sha yerdan albatta bir ingiliz o'tib ketgan bo'ladi…."
Angliya qo'shinlari avvalroq bosib olgan Kashmir mintaqasidan chiqib ketayotganlarida, keyingi davrlarda mintaqaga osonroq kirib olish uchun, juda ko'p siyosiy muammolarni o'rnatib ketganlar…
Hindiston mintaqasi aslida bir minginchi yillarning boshidan e'tiboran 1857 yilga qadar, taxminan 700 yil mobaynida turkiyzabon sultonlar tomonidan boshqarilib kelingan. Boburiylar sulolasidan bo'lgan Bahodir Shoxning 1857 yilda inglizlarga yengilishi natijasida Hindiston davlati inglizlarning qo'l ostiga o'tdi. Asrlar davomida o'z tili, dini va madaniyati bilan hamjihat bo'lib yashagan Hindiston davlati, inglizlarning 90 yillik boshqaruvidan so'ng Hindiston, Pokiston va Bangladesh bo'lib uch davlatga bo'lindi. Xozirgi kungacha ingliz tili Hindiston, Pokiston va Bangladeshning rasmiy tili bo'lib hisoblanadi.