Касбининг малака талаби тошкент – 2020й. СЎз боши

1. Қўлланилиш соҳаси
Мазкур малака талаби Ўзбекистон Республикасида темир йўл транспортида симли алоқа тизимларига техник хизмат кўрсатиш касби бўйича кадрлар тайёрлашнинг зарурий билимлар мазмуни ва касбий компетенциясига қўйиладиган талабларни ва пировард мақсадларини, шунингдек таълим олувчиларнинг ўқув юкламалари ҳажми ва стандарт талабларини бажарилиши назоратини белгилайди.
Малака талаби таълим олувчиларнинг касбий тайёргарлиги сифати ва касбий компетенциясини баҳолашда ҳамда таълим муассасаларини аттестациядан ўтказишда асосий мезон ҳисобланади. Мазкур талабларнинг бажарилиши профессионал таълим муассасаларининг битирувчиларига профессионал таълимнинг тегишли даражасини олганлиги тўғрисида давлат намунасидаги ҳужжат берилиши учун асос ҳисобланади.
Малака талаби таълимни бошқариш давлат органлари ва таълим фаолияти субъектлари томонидан, идоравий бўйсунуви ва мулкчилик шаклларидан қатъий назар, тадбиқ этилиши мажбурийдир.
Ушбу малака талаби темир йўл транспортида симли алоқа тизимларига техник хизмат кўрсатиш касбининг 2020 йил ......... апрелдаги №...-сон билан тасдиқланган профессионал стандарт талаблари асосида ишлаб чиқилди.
2. Касбий таълим хусусияти
2.1. 5.51.05.10- темир йўл транспортида симли алоқа тизимларига техник хизмат кўрсатиш касби доирасида бериладиган квалификациялар:
1.Симли алоқа қурилмаларига хизмат кўрсатиш ва таъмирлаш бўйича электромеханик.
Умумтаълим муассасаларининг 11-синф битирувчилари ҳисобидан шакллантирилган гуруҳларда 2 йиллик 6 ой.
Камида умумий ўрта маълумотга эга бўлган шахслар ҳисобидан шакллантирилган гуруҳларда танланган квалификациялар сонидан келиб чиқиб ўқиш муддати белгиланади. Бу гуруҳларда касб доирасида бериладиган квалификациялардан бирортасини муваффаққиятли ўзлаштирган шахсларга белгиланган намунадаги диплом берилади ва меҳнат бозорида ишлаш ҳуқуқи берилади. Эгалланмаган квалификацияларни қайта ўзлаштиришга рухсат берилади ва мазкур квалификацияни муваффақиятли ўзлаштирганларга белгиланган тартибда сертификат берилади.
2.2. Руҳий-физиологик фазилатлар минимуми: кузатувчанлик, диққатни бир жой қаратиш, фикрни жамлаш, қўл-оёқ ҳаракатини жараёнга мослаштириш, ҳар томонлама тез фикрлаш ва фараз қилиш, ёруғликни сезиш, фаол ва тез хотирлаш, ҳаракат хотираси ва мослашувчанлик.