Касбий қайта тайѐрлаш йўналиши: Мактабгача таълим муассасалари

Саҳналаштирилган ўйинлар
болалар бирор эртак ѐки ҳикоя сюжети 
асосида маълум бир ролни бажаришига, ўйин жараѐнидаги персонажларнинг 
айтадиган сўзларининг ѐд олинишига асосланган бўлиб, болаларда ирода, 
интизом, ўз ҳаракатларини бошқаларнинг ҳаракатига мувофиқ амалга ошириш 
каби сифатларни тарбиялашда самарали восита саналади. Саҳналаштирилган 
ўйинларни ташкил этиш қуйидаги босқичларни ўз ичига қамраб олади: 
I босқич.
Саҳналаштириш учун бадиий асарни танлаш. Бадиий асарни 
танлашда қуйидаги талабларга риоя қилиш керак:
1) эртак ѐки ҳикояда қатнашувчилар сони кўп бўлиши керак;
2) асарнинг нафақат мазмуни, балки унда ҳаракатларнинг ҳам турфа хил 
бўлишига эътибор қаратиш лозим;
3) асар ифодали ўйишга мос бўлиши керак;
4) асар мазмуни қизиқарли ва эмоционал бўлиши зарур;
5) асар болаларнинг ѐшига мос келиши лозим. 
II босқич.
Саҳналаштириш учун танланган эртак ѐки ҳикоянинг 
мазмунини ўқиб бериш. 

---

44 
III босқич.
Асарни болалар томонидан эслаб қолинишига эришиш: қайта 
ўқиб бериш, ҳар бир боланинг айтадиган гаплари устида индивидуал иш олиб 
бориш, расмлар намойиш этиш. 
IV босқич.
Ўйин қизиқарли ўтиши ва узоқ давом этиши учун ўйинга 
керакли материаллар, кийимлар тайѐрлаш ҳамда раҳбарликни тўғри амалга 
ошириш.
Саҳналаштирилган ўйинлар болаларнинг ѐш хусусиятларини ҳисобга 
олган ҳолда оддийдан мураккабга қараб йўналтириб борилиши мақсадга 
мувофиқ. М: ўрта гуруҳ учун асосан ҳаракатни акс эттирувчи асарлар танланса, 
катта гуруҳ болалари учун эса асар қаҳрамонларининг анча мураккаб 
муносабатлари, уларнинг кечинмалари, қайғулари акс эттирилган асарлар 
танланади. 
Болаларнинг қурилиш, буюм ясаш ўйинлари ролларга бўлиниб ўйнайдиган 
ўйиннинг таркибий қисмидир. Бирор нарсани қуриш болаларни ўз фикрларини 
рўѐбга чиқариш усулидир.