Kasbi bo’yicha O’quv dasturlari to’plami

O`RTA MAXSUS, KASB – HUNAR TA`LIMI MARKAZI

Ro`yxatga olingan №KMD 3141602 – 2.17 “15” avgust 2012-yil

Vazirlikning 2012 yil 15 avgustdagi 332-1-sonli buyrug’i bilan tasdiqlangan

ishlab chiqarishni tashkil etish


fanidan o`quv DASTURI


Fan dasturi Oliy va o`rta maxsus, kasb-hunar ta`limi tayyorlov yo`nalishlari bo`yicha Muvofiqlashtiruvchi kengashning 2012-yil 24-iyuldagi 3-son majlis bayoni bilan ma`qullangan.

Fan dasturi 1-Toshkent Pedagogika kollejida ishlab chiqildi, bilim sohasi bo`yicha sho`ba kelishuvidan o`tkazildi (1-sonli kelishuv Bayoni 2012-yil 16-iyul).

Tuzuvchilar:	X.Boboxonova	–	1-Toshkent pedagogika kolleji o’qituvchisi.
Taqrizchilar:	Q.Abdullayeva	–	Nizomiy nomli TDPU katta o`qituvchisi, PFN
	Z.Ibragimova	–	1-Toshkent pedagogika kolleji o’qituvchisi.

Kirish
Maktabdan va sinfdan tashqari to`garak ishi tashkilotchisining asosiy vazifasi, o`quvchilarni bo`sh vaqtlaridan unumli foydalanish orqali xalq xo`jaligiga zarur bo`lgan biron kasbga muhabbat uyg`otish. Fanning asosiy vazifasi bo`lajak to`garak tashkilotchisiga tikuvchilik sanoati korxonalarining tashkil topishi, va rivojlanishi, xomashyo bazasi, joylashishi, ishlab chiqarish turlari, ishlab chiqarish fondlari ularni baholash, mehnatni tashkil etish asoslari, mehnatga haq to`lash, ishlab chiqarishni texnikaviy tayyorlash, mahsulotni ishlab chiqarish, sotish rejasi, buyum tannarxi, foyda va uni taqsimlash, to`garak jarayonida iqtisodiy tarbiyani shakllantirish, oila budjetini hisoblash, bozor iqtisodiyoti sharoitidagi tub iqtisodiy islohotlarni, dolzarb iqtisodiy masalalarni, muammolarni hal qila olish kerak. Chunki bo`lajak to`garak rahbarining vazifasi to`garak a’zolariga iqtisodiy tarbiya berishdir. Iqtisodiy tarbiya yaxshi yo`lga qo`yilgan joyda tejamkorlikka o`rgatish, xomashyo, suv, ish qurollari, vaqtdan unumli foydalaniladi. Kelgusida biron bir kichik korxona ochish imkoniyati bo`lgan vaqtda bu bilimlardan foydalanadilar. Tikuvchilik jarayoni fani va o`quv amaliyoti jarayonida tikilgan buyumlarning tannarxini hisoblash, oila budjetiga o`z hissasini qo`shish imkoniyatini sezgan o`quvchining tanlagan kasbiga bo`lgan muhabbati yanaga oshadi.