Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

4. Таърифлар

Мазкур малака талабларида Ўзбекистон Республикасининг “Таълим тўғрисида”ги Қонуни, “Кадрлар тайёрлаш миллий дастури тўғрисида”ги Ўзбекистон Республикаси Қонуни ҳамда касбий таълим соҳасидаги халқаро ҳужжатларга мос равишда атамалар ва таърифлардан фойдаланилган:
Ўқув ишлаб чиқариш мажмуаларининг 10- ва 11- синфлари ўқувчиларини касбга ўргатиш малака талаблари касб-ҳунар таълими тайёргарлигининг асосий мазмунини аниқловчи ҳужжатлар тўплами. Касбга ўргатиш дастури умумий ўрта таълим муассасаси битирувчисига муайян эгаллаган касби бўйича касбий фаолиятни малакали бажариш имконини бериш ҳажмидаги касбий фанларни ҳамда ўқув ва ишлаб чиқариш амалиётларининг таркиби, ҳажми ва мазмунини белгиловчи норматив ҳужжатларни қамраб олади.
касб – махсус тайёргарлик ва иш тажрибаси натижасида маълум бир соҳада касбий фаолиятни амалга ошириш учун лозим бўлган назарий билимлар, амалий кўникма ва малакалар мажмуасини эгаллаган, жисмоний имконият, ақлий қобилият ва юридик ҳуқуқлари таъминланган меҳнат фаолияти (машғулоти)нинг туридир; малака талаблари – узлуксиз таълимнинг тегишли босқичи битирувчисининг умумий билим ва касб тайёргарлиги даражасига
қўйиладиган талаблар; компетенция – тегишли соҳада касбий фаолият юритиш учун зарур
бўлган билим, кўникма, малака ва шахсий сифатлар мажмуи; умумий компетенция – билим, кўникма ва амалий тажриба асосида касбига яқин фаолият турларининг кўпчилиги учун умумий бўлган масалаларни ечишда муваффақиятли фаолият юритиш қобилияти; касбий компетенция – билим, кўникма ва амалий тажриба асосида касбий фаолиятига тегишли вазифаларни бажариш ва масалаларни ечишда муваффақиятли фаолият юритиш қобилияти; касбий фаолият соҳаси – илмий, ижтимоий, иқтисодий, ишлаб чиқаришда намоён бўладиган касбий фаолият объектларининг мажмуи; касбий фаолият объекти – предметлар, воқеликлар, жараёнлар ва
фаолият доирасида ҳаракатга йўналтирилган тизимлар; касбий фаолият тури – касбий фаолият объектига таъсир қилишнинг
усуллари, услублари ва тавсифи; ўқув фани – таълим муассасасида ўрганиш учун фан, техника, санъат, ишлаб чиқариш фаолиятининг муайян соҳасидан саралаб олинган билимлар, ўқув ва кўникмалар тизими; ўқувчининг мустақил иши – ўқувчи томонидан ўқув режанинг таркибий қисмлари бўйича билим ва эгалланадиган тегишли кўникма ва малакаларни ўзлаштириш, мустаҳкамлаш ва такомиллаштириш мақсадида бажараладиган ўқув жараёнининг қисмидир; ўқув амалиёти – назарий билим ва амалий кўникмаларини интеграциялашга қаратилган ўқув жараёнининг элементи; ўқув-ўрганиш натижалари – ўзлаштирилган билимлар ва амалий
кўникмалар мажмуи.

5.