Kasb ta’limi fakultеti

14.12-rasm

Ilovaning HLP-faylini ilovaning EXE-fayli bilan bitta katalogga joylashtirish maqsadga muvofiq bo’ladi.

Formaning har bir komponentiga, masalan kiritish maydoniga (Edit), o’zining yordam tizimi bo’limini berish mumkin. Buning uchun komponentning HelpContext hususiyatiga yordam tizimi bo’limining mos sonli qiymatini berish kerak. Natijada ushbu komponentada kursor turgan vaqtda tugmasi bosilsa yordam tizimining mos bo’limi ochiladi. Agar HelpContext hususiyatining qiymati nolga teng bo’lsa, u holda tugmasi bosilishi natijasida ilova formasiga belgilangan yordam tizimi bo’limi ochjiladi.

Agar muloqot oynasida Ma’lumot tugmasi mavjud bo’lsa, u holda yordam tizimi boshqacha usulda chiqariladi. Ya’ni tugma bosilganda WinHelp funksiyasidan foydalanib, Windows Help (Winhlp32.exe-fayli) dasturi ishga tushiriladi. WinHelp funksiyasidan foydalanganda quyidagi parametrlar beriladi: yordam tizimini chaqirayotgan oyna Handle i; HLP-fayl nomi; Windows Help dasturi bajarishi kerak bo’lgan ishni aniqlovchi konstanta va oydinlashtiruvchi parametr.

Agar yordam tizimining aniq bir bo’limini chiqarish kerak bo’lsa, u holda ishni aniqlovchi parametr sifatida HELP_CONTEXT konstantasi ishlatiladi va oydinlashtiruvchi parametr sifatida esa kerak bo’limning sonli qiymati beriladi.

Quyida misol sifatida kvadrat tenglamani echish dasturining muloqot oynasidagi Ma’lumot (Button2) tugmasi bosilganda yordam tizimini chaqiruvchi protsedura keltirilgan.

procedure TForm1.Button2Click(Sender: TObject);

begin

winhelp(Form1.Handle,'sqroot.hlp',HELP_CONTEXT,1);

end;

Yordam tizimining mundarijasini yaratish

Yordam tizimini yaratish uchun Microsoft Help Workshop dasturining File

menyusidan New buyrug’ini tanlash kerak va ochilgan oynada Help Contents

bo’limini tanlab OK tugmasini bosish kerak. Natijada 14.13-rasmda ko’rsatilgan muloqot oynasi ochiladi.