"Kasb ta'limi" bakalavriat ta'lim yo'nalishi talabalari uchun (46-13 guruhi) Materialshunoslik fanidan ma'ruzalar (1-8) Tuzuvchi: dots. Xabibullayev R. A. Mundaruja

1.2. Metallarning xossalari

Маълумки, кимёвий элментларнинг сони 108 та бўлиб уларнинг ярмидан кўпроғи металларни ташкил этади. Қолганлари металлмаслардир. Умуман металларга қуйидагича таъриф берса бўлади: температура пасайган сари электр ўтказувчанлиги ортадиган, иссиқликни яхши ўтказадиган, болғаланнувчан ва ўзига хос ялтироқликга эга бўлган элементлар металлар деб аталади.
Шуни айтиб ўтиш керакки, металлар билан металлмаслар орасида кескин чегара қўйиб бўлмайди, чунки баъзи металларда, масалан, кумушда, газ холатда металлик хоссалари бўлмайди.
Баъзи металларда, масалан, фосфорда юқори босим остида металлик хоссалари пайдо бўлади. Демак, металларни металлар ва металлмаслар деб иккига ажратиш шартлидир. Кўпчилик металлар атомларнинг сиртқи валенти электронлар сони битта ёки иккита бўлиб улар ядрога заифроқ тортилиб туради. Кичик потенциаллар айирмаси хосил қилинади дегунча металларнинг атомларидаги электронлар тартибли харакатга келиб мусбат қутбга томон боради. Натижада электр токи пайдо бўлади. Металларни электр токини ўтказиш сабаби ҳам ана шу.
Барча металлар икки группага бўлинади: қора металлар ва рангли металлар группасига бўлинади. Қора металлар группасига асосан темир (темир қотишмалари - чўян ва пўлат)лар киради. Қолганлари рангли металлар группасига киради. Рангли металлар ўз навбатида қуйидаги группаларга бўлинади:
а) оғир металлар гурухи бу гурухга мис, никель, қўрғошин, қалай, коболт, мишяк, сурма, висмут, симоб ва бошқалар киради.
б) енгил металлар гурухи. Бу гурухга магний, алюминий, титан, нитрий, бериллий, барий, кальцтий, калий киради.
в) асл қимматбахо металлар гурухига олтин, кумуш, платина, осмий, рутений, паладий киради.
г) нодир металлар гурухи бу суюқланиши қийин бўлган металлардан яъни вольфрам, тантал, ниобий ва тарқоқ металлар (таллий, галлий, германий, индий, рений, рубидии, цезей ва бошқалар) сийрак ер металлар (лантан ва лантаноидлар) радиоактив металлар (полоний, радий, актиниц, уран ва бошқа трансуран металлар) киради.