Kasb-hunar kollejlari uchun o‘quv qo‘llanma

Tishlashish muftasi
Bu  uzel  dvigatelni  traktorning  transmissiyasiga  birlashtiradigan  zvenodir.
Tishlashish  muftasining  detallari  katta  kuch  uzatilganda,  noto‘g‘ri  rost-
langanda,  mufta  vali  dvigatelning  tirsakli  vali  bilan  bir  o‘qda  joylashmagan-
da,  muftani  noto‘g‘ri  qo‘shganda  va  ajratganda  yeyiladi.  Muftalarning  asosiy
kamchiliklari: kojuxlari  darz  ketganda  singan,  rezbali  detallar  shikastlangan,
nakladkalar  va  ferrado  nakladkalari  yeyilgan,  disklar  shikastlangan,  muftalar
krestovinasining  muvozanati  buzilgan  va  hokazo.

---

69
Tishlashish muftasining vallarini ta’mirlash — yeyilgan bo‘yinlar, shlitsalar,
rezbali  chiqiqlar  va  hokazolarga  metall  eritib  qoplashdan  iborat.  Muftaning
podshipniklari  va  vtulka  o‘rnatiladigan  bo‘yinlar  metall  eritib  qoplash,  keyin
me’yoriy  o‘lchamlargacha  silliqlash  yo‘li  bilan  tiklanadi.  Tishlashish  muftasi
valining yeyilgan bo‘yinlarini ta’mirlash, o‘lchamga moslab qayta silliqlab ham
ta’mirlash mumkin. Bu holda qo‘shish muftasiga vtulka presslab kirgiziladi va
valning  bo‘yniga  moslab  yo‘nib  kengaytiriladi.  Ta’mirlash  o‘lchamli  bo‘yin
yeyilgandan  keyin  valga  metall  eritib  qoplanadi  yoki  unga  vtulka  presslab
o‘tkaziladi,  muftadagi  teshik  esa  yo‘nib  kengaytiriladi.  Vtulka  valga,  odatda,
quyidagi  tartibda  presslab  o‘tkaziladi: bo‘yin  aylanasiga  yo‘niladi;  toblangan
po‘lat  vtulkalar  dastlab  yodda  qizdirilib,  so‘ngra  bo‘yinga  presslab  o‘rnatiladi;
bo‘yin  kerakli  o‘lchamgacha  silliqlanadi.  Tishlashish  muftasi  valining  yeyilgan
shlitsalari  metal  eritib  qoplanadi,  so‘ngra  me’yoriy  o‘lchamga  yoki  birlashtiri-
ladigan detal shlitsalarning o‘lchamlariga moslab ishlanadi. Quyruqlardagi rez-
ba o‘rniga kichik o‘lchamli rezba kesiladi yoki metall qoplab, so‘ngra me’yoriy
o‘lchamli rezba kesiladi.