Kasb-hunar kollejlari uchun o‘quv qo‘llanma

Dag‘al  tozalash —  yonilg‘i  filtrlariga  texnik  xizmat  ko‘rsatish,  yonilg‘i
quyqalarini  ketkazish  va  filtrni  yuvishdan  iborat.  2-TXK  filtrining  korpusi
yonilg‘i quyqasidan tozalanadi. Buning uchun yonilg‘i bakining krani berkitila-
di, filtr korpusining bo‘shatish probkasi burab olinadi va korpusga havo kiritish
uchun  teshikli  bolt  uch  marta  aylantiriladi.  Quyqa  bo‘shatiladi,  yonilg‘i  baki -
ning  kranini  yarim  minutga  ochib,  filtr  yuviladi.  Filtr  yuvilgandan  keyin
bo‘shatish probkasi burab o‘rnatiladi. Filtrning korpusi yonilg‘iga to‘latiladi va
havo chiqib ketgandan keyin teshikli bolt burab mahkamlanadi. Dag‘al tozalay-
digan filtrlovchi element quyidagicha yuviladi: filtr korpusidan yonilg‘i bo‘shati-
ladi,  filtrlovchi  elementlar  chiqarib  olinadi  va  kerosinli  vannada  shpris  yor-
damida  yuviladi.  Yuvilgan  filtr  ko‘zdan  kechiriladi  va  shikastlangan  joylar
kavsharlab tuzatiladi. Filtr yig‘iladi va korpus yonilg‘iga to‘latiladi. 
Filtr korpusidagi quyqa 1-TXK da tushiriladi. Quyqani dvigatel to‘xtagach,
kamida  1  soatdan  keyin  tushirib  olish  tavsiya  etiladi.  Quyqa  quyidagi  tartibda
tushirib olinadi: korpusning tashqi sirti changdan tozalanadi. Yonilg‘i bakining
krani berkitiladi, filtr ning puflash vinteli ochiladi. Tushirib olish probkasi burab
olinadi, quyqa oqiziladi, filtr yuviladi va tushirish probkasi burab mahkamlana-
di,  filtrning  korpusi  yonilg‘iga  to‘latiladi  va  ta’minlash  tizimidan  havo  chi -
qariladi.