Касалликлари ва зараркунандаларига қарши

Кимёвий дори-дармонлар тавсифи

Бордосс суюқлиги – ўсимликларни касалликлардан химоя қилиш воситаси бўлиб, унинг 1% ли бўлган 5 литр эритмасини тайёрлаш учун мис купоросидан 50 граммини озроқ сувда эритилади (сув харорати 50 градусдан
ошмаслиги керак). Сўнгра сув миқдорини 4 литргача кўпайтирилади. Кейин алохида идишда 50 грамм охак бироз миқдордаги сув билан сўндирилади ва ундан сўнг сув миқдори 1 литргача кўпайтирилади. Олдин олинган мис купороси эритмасига ушбу 1 литр сутсимон охак эритмасини аста-секин аралаштириб турган холда қўшилади. Агар 3% ли бордосс суюқлигини олиш талаб қилинса, у холда 150 грамм мис купороси 4 литр сувда эритилади ва бунда охак сути тайёрлаш учун 200 грамм охак керак бўлади. Унга қўшиладиган сув миқдори эса 1,7 литр бўлиши керак. Диққат: Бордосс суюқлигини темир идишда тайёрлаш мумкин эмас!
Тайёрланган бордосс суюқлигининг сифатини унга темир михни солиб текшириш мумкин: агар темир мих устига мис қоплами қоплана бошласа, демак, эритмага яна бироз охак қўшиш керак бўлади. Агар эритма нотўғри тайёрланган бўлса, уни пуркаганда ўсимлик барглари куйиб қолиши мумкин. Эритмани пуркагичга солишдан аввал уни мис сетка ёки дағал материал орқали фильтрлаш керак бўлади. Бордосс суюқлигини тайёрланилган куниёк тўла ишлатиш керак. Уни сақлаб бўлмайди. Эритмани бошқа кимёвий препаратлар билан биргаликда ишлатиш ҳам мумкин эмас. Ўсимликни бордосс суюқлиги билан пуркаш касалликнинг илк аломатлари пайдо бўлганда талаб қилинади. Унинг химоя муддати 10-15 кун бўлиб, 4 суткаларда таъсири сезилади. Бордосс суюқлигини ишлатиш дозалари қуйида келтирилган:

Ўсимлик тури	Нормаси
Ёш дарахтлар	Битта дарахтга 2 литр
Смородина	Битта бутага 1,5 литр
Малина	10 та бутага 2 литр
Цитруслилар	Битта дарахтга 5 литр
Сабзавотлар	10 кв. м. га 1 литргача
Мева бераётган дарахтлар	Битта дарахтга 10 литр
Узум ва қулупнай	10 кв.м. га 1,5 литр

Картошка, лавлаги, бодринг ва помидорга

10 кв. м. га 1 литргача

Бордосс суюқлигини қуйидаги касалликларга қарши ишлатиш мумкин: