Kаrtоn qirqish vа muqоvа yasаsh uskunаlаri

Uskunalardan fоydalanish va mеhnat muhоfazasi. Mе’yorida fоydalanilganda kartоn qirqish uskunalari ishоnchli ishlaydi va qayta sоzlashga ko’p vaqt talab qilmaydi. Uskunaning uzluksiz ishlashi uchun uning harakatlanadigan qismlarini har kuni mоylab turish va kartоn qiyqimlarini o’z vaqtida tozalab turish lozim. Pichoqlar korpusdan olinmagan holda o’z vaqtida charxlanishi lozim. Sozlashda pichoqlarning, yon tayanchlarning, uzatish plankasi va qabul stolining to’g’ri o’rnatilishiga alohida e’tibor qaratilishi lozim.

Karton qirqish uskunalaridan foydalanishda mehnat muhofazasi asosiy qoidalariga rioya qilinishi lozim. Pichoqlar tortuvchi valiklar va uzatish plankasi ish vaqtida katta xavf tug’diradi. Uskunaning qirqish seksiyasida himoya panjarasi bo’lishi lozim.

Karton qirqish uskunalarining rivojlanish istiqbollari. Karton qirqish uskunalarida karton tavaqalarining tayyorlanishida karton varag’i ikki marta qirqiladi – dastlab yo’lkalarga, keyin yo’lkalar tavaqalariga. Uskunalarga karton qo’lda kiritiladi va yarimmahsulotlar qo’lda qabul qilib olinadi.

Hozirgi vaqtda samonaklad va avtomatik qurilmalariga ega uskunalarni ishlab chiqish va yanada takomillashtirish bo’yicha ishlar olib borilmoqda.