Kartografiya va geovizuallashtirish

Internetda  aloqa  protokollari.  Internetdagi  tarmoq  turlari  undan 
foydalanuvchilar  turlicha  bo‗lishiga  qaramasdan,  undagi  standartlar  tarmoq 
bo‗ylab  aloqa  qilish  imkonini  bera  oladigan  tarzda  yaratilishi  kerak. 
Kompyuterlarda  mavjud  dasturlar  esa  foydalanuvchilarning  bir-biri  bilan  o‗zaro 
muloqot qila olishlari uchun imkoniyat yaratib beradigan maxsus qoidalar hamda 
yo‗riqnomalar  bo‗lishi  kerak.  Agar  oldindan  belgilanmagan  umumiy  qoidalar 
mavjud  bo‗lmasa,  bir  kompyuter  tilini  boshqa  bir  kompyuter  tushuna  olmaydi. 
Protokol  operatsion  tizimlar  va  tizim  arxitekturasining  farqlariga  bog‗liq 
bo‗lmagan  umumiy  qoidalar  yig‗indisi  hisoblanadi.  Protokol  aloqa  qanday  olib 
borilishi  hamda  aloqa  jarayonida  qanday  tilda  suhbatlashishni  aniqlab  berish 
imkoniyatini  yaratadi.  Internetda  turli  darajalarda  aloqa  qilish  turli  xildagi 
protokollarni  talab  qiladi.  Tarmoqda  qanday  uskunalardan  foydalanib 
ma‘lumotlarni almashishdan kelib chiqqan holda protokollar belgilanadi. Bir necha 
turdagi  protokollarning  birgalikda  ishlashi  protokollar  yig‗indisi  deb  ataladi. 
TCP/IP protokollar yig‗indisiga misol bo‗la oladi.