Kartografiya va geovizuallashtirish

Fotokartalarni  tayyorlash.  Keyingi  vaqtlarda  ilmiy  va  amaliy  ishlarda 
fotografik  tasvirlardan  keng  foydalanilmoqda.  Fotokartalarni  tuzish  uchun 
aerokosmik  suratlar  qayta  ishlanib,  kartografik  proektsiyaga  moslashtiriladi. 

---

 
 
90 
Aerokosmik suratlarning geometrik xatoliklari fotogrammetrik qayta ishlov berilib 
yo‗qotiladi, ular transformatsiya qilinib, kerakli masshtablarga keltiriladi va yirik, 
o‗rta va mayda masshtabli topografik varaqlarga mos ravishda montaj qilinadi (1: 
10 000 – 1:1 000 000). So‗ngra koordinatalar to‗ri, gorizontallar, gidrografiya va 
aholi  yashash  manzilgohlarining  nomlari,  joy  tafsilotlari,  yozuvlar  chiziladi  va 
yoziladi. Karta ramkasida  elementlar jihozlanadi. Hozirgi kunda aero- va kosmik 
suratlar asosida tuzilgan fotokartalarga ehtiyoj juda katta. Agar bunday kartalarni 
tuzishda  relef  gorizontallar  bilan  ifodalanmasdan  soddalashtirilib  borilsa,  kam 
o‗rganilgan  va  borib  bo‗lmaydigan  hududlar  uchun  fotokartalarni  tuzish  ancha 
osonlashadi va tezlashadi.  
Topografik  fotokartalarni  tuzish  bilan  birga  maydoni  jihatdan  katta 
hududlarning    mayda  masshtabli  (1:2  000 000  va  undan  ham  mayda)  mavzuli 
fotokartalari  va  fotoportretlari  ham  tuzilmoqda.  Bunday  mavzuli  fotokartalarda 
joyning  rangli  tasviri  haqiqiy  tabiiy  ranglarga  yaqinlashtirilib  ifodalanadi.  Karta 
mazmuni  tasvirlanayotgan  mavzu  elementlari  bilan  to‗ldiriladi,  ya‘ni  geologik 
tuzilish  konturlari,  tuproq  va  o‗simlik  qoplami  konturlari,  landshaftlar,  tabiatga 
inson ta‘siri va boshqa shularga o‗xshash konturlar bo‗lishi mumkin.