Kartografiya va geovizuallashtirish

4.7. Kartalarni yaratishda aerokosmik usullar 
Masofadan olingan aerosurat, kosmik surat va raqamli ma‘lumotlarning eng 
muhim afzalliklaridan biri ularning bir vaqtning o‗zida bir xil tabiiy sharoitda juda 
katta maydonlarni qamrab olishidir. Geografik karta va kosmosurat o‗zining metrik 
(o‗lchami)  xususiyatlari bo‗yicha  bir-biridan  farqlanadi.  Bu  farqlanishning  asosiy 
sabablaridan  biri  tasvirni  loyihalashtirish  qonun-qoidalaridir.  Ayniqsa,  fotografik 
va  televizion  suratlarda  bu  farq  sezilarlidir,  chunki  fotosurat  markaziy 
loyihalashtirish  qonunlariga  binoan,  karta  esa  ortogonal  yo‗l  bilan  tuziladi. 
Shuning  uchun  kosmik  suratlardagi  xatoliklarning  tabiati  ham,  xususiyatlari  ham 
kartadagidan farq qiladi.  
Kosmosurat va karta orasidagi farq tafsilotlarni ma‘lum zamon va makonda 
tasvirlash  xususiyatlari  bir-biriga  o‗xshamasligi  tufayli  kelib  chiqqan.  Karta 
legendasi va shartli belgilari yordamida o‗qiladi, chunki u ilmiy asoslangan dastur 
yordamida tuziladi. Kosmofotosurat esa ma‘lum joyning bir lahzalik ko‗rinishiga 
qarab  tasvirlangan  obyekt  va  tafsilotlarning  bir-biriga  o‗xshashligiga  qarab 
o‗qiladi.  Ma‘lum  geografik  hududning  kosmofotosuratlari  o‗z  tashqi  ko‗rinishi 
bo‗yicha ko‗proq topografik kartani eslatadi. Mavzuli kartalar bilan solishtirganda 
ular o‗rtasidagi farq sezilarlidir. 
Masofadan olingan ma‘lumotlardan foydalanishning bir qancha yo‗nalishlari 
bo‗lib, ular quyidagilardan iborat: 
1.  Yangi topografik va mavzuli kartalar tuzish. 
2.  Mavjud topografik va mavzuli kartalarni yangilash va tuzatish. 

---

 
 
88 
3.  Fotosxema,  fotoplan,  fotokarta,  fotoblok-diagrammalar  va  boshqa 
kombinatsiyalashgan fotografik modellarni yaratish. 
4.  Tezkor (operativ) kartalar tuzish va monitoring ishlarini olib borish.