Kartografiya va geovizuallashtirish

7.2-rasm.OSImodelidagiettiqatlam 
Ma‘lumot  bir  qatlamdan  boshqasiga  o‗tishidan  oldin  paket  deb  ataluvchi 
kichik  bo‗laklarga  ajratilib  chiqiladi.  Paket  bu  bir  uskunadan  boshqasiga  tarmoq 
orqali  o‗tadigan  butun  ma‘lumotning  bir  birligi  hisoblanadi.  Paketning  o‗lchami 
tarmoq  turiga  qarab  belgilanadi.  Har  bir  qatlamda  protokollar  paketlarga 
qo‗shimcha ma‘lumot qo‗shadi, bu esa, o‗z navbatida, ma‘lumotning butun tarmoq 
bo‗ylab  o‗tkazilishi  uchun  muhim  ahamiyat  kasb  etadi.  Ma‘lumotlarni  qabul 
qiladigan kompyuterda paket teskari tartib bo‗yicha o‗tadi, ya‘ni har bir qatlamdagi 
protokol  paketdagi  axborotni  o‗qiydi,  paketni  keyingi  qatlamga  o‗tkazadi  va 
hokazo.  Barcha  paketlar  quyidagi  tarkibga  ega  bo‗ladi:  boshlang‗ich  va  so‗nggi 
manzil, yo‗riqnomalar, ma‘lumotlar va xatoliklarni tekshirish axborotlari.