Kartashunoslik

10.4. Belgilarning turlari va ularni differensiatsiyalashtirish 
Ta‘kidlab  o‘tilganidek,  belgililik  –  kartani  boshqa  ko‘plab  tasvirlar,  eng 
avvalo, aero va kosmosuratlardan farq qiluvchi eng muhim xususiyatlaridan biridir. 
Shartli belgilarni qo‘llash quyidagilarga imkon beradi: 
-  real  va  abstrakt  obyektlar  (masalan,  qor  qoplami  balandligi,  iqlimning 
kontinentalligi indeksi)ni ko‘rsatish; 
- inson ko‘rmaydigan va hatto sezgi organlari tomonidan qabul qilinmaydigan 
obyektlarni  (qadimgi  materiklarning  paleorelьefi,  gravitatsion  va  magnit 
maydonlar va boshqalar) tasvirlash; 
- obyektlarning ichki xususiyatlari va tuzilishini (sanoat ishlab chiqarishining 
hajmi va tuzilishi, aholi tarkibi va boshqalar) berish; 
-  obyektlarning  o‘zaro  aloqalarini  aks  ettirish:  tartibi  va  pog‘onaliligi, 
proportsionallik, tafovut, o‘zaro buysunuvchanlik (masalan, geologik stratigrafiya); 
- hodisalar va jarayonlarning dinamikasini (daryo havzalarida oylar bo‘yicha 
oqimning o‘zgarishi) ko‘rsatish; 
- tasvirni kuchli kichraytirish (mayda masshtabli kartalarda alohida uylarni va 
kvartallarni  ko‘rsatish  o‘rniga  butun  aholi  punktini  doira  bilan  aks  ettirish 
mumkin). 
Kartada  obyektlarni  planli  geometrik  xususiyatlarini  berish  nuqtai  nazaridan 
kelib  chiqib,  kartografik  shartli  belgilar  o‘z  xususiyatlari  va  vazifalariga  ko‘ra