Каримов А. А., Исломов Ф. Р., Авлоқулов А. З. Бухгалтерия ҳисоби

Транспорт воситалари кишилар ҳамда юк ва турли мақсадлардаги нарсаларни ташишга мўлжалланган ҳаракат воситалари (темир йўл, сув, автомобиль, коммунал транспорти ва муҳим нефть қувур йўллари)дир.
Асбоб ва ускуналар қўл меҳнати жараѓнида ишлатиладиган ѓки иш қисмларини кучайтириш, ошириш учун машинага бириктириладиган воситалар (электродреллар, вибраторлар)дир.
Ишлаб чиқариш инвентарлари ишлаб чиқариш жараѓнини енгиллаштиришда ишлатилади. Уларнинг таркибига бак, контейнер, инвентарь идишлари киради.
Хўжалик инвентари идора (офис) ишларини ва хўжаликни юритишда зарур бўлган меҳнат воситаларидир.
Иш ҳайвонлари ва маҳсулдор чорва ҳар бир етилган мол (от, ҳўкиз, сигир)лар бўлиб, алоҳида инвентарь объекти сифатида ҳисобда акс эттирилади.
Кўп йиллик дарахтлар алоҳида хиѓбон, парк, боЃдаги миқдори ва ѓшидан қатъий назар экилган дарахтлар гуруҳидир.
Бошқа асосий воситаларга кутубхона воситалари, ижарага олинган асосий воситалар, консервациядаги асосий воситалар ва бошқалар киради.
«Асосий воситалар» номли 5-сон БҲМАга биноан асосий воситалар қуйидаги баҳоларда баҳоланади:

62. 
    Дастлабки қиймат;
    
63. 
    Сотиш қиймати;
    
64. 
    Тугатиш қиймати;
    
65. 
    Ќолдиқ қиймати;
    
66. 
    Ўрнини қоплаш қиймати.
    

Дастлабки қиймат — активни харид қилишда ҳақиқатда тўланган пул маблаЃлари ѓки уни барпо этишда амалга оширилган ҳақиқий харажатлардир. Харид қилишнинг ҳақиқий қиймати асосий воситани харид қилиш ва уни ишлатиш учун тайѓр ҳолга келтиришда қилинган барча харажатларни, яъни: харид нархи, юридик йиЃимлар ва бошқа харажатларни ўз ичига олади. Ташкилот текинга олган асосий воситаларнинг дастлабки қиймати эксперт йўли билан бозор нархида баҳоланган қиймат бўйича тан олинади. Текинга олинган асосий воситани кирим қилинган санада амал қилган нарх асосида жорий бозор қиймати шакллантирилади. Амалдаги нарх тўЃрисидаги маълумотлар ҳам ҳужжатлар ва эксперт йўли билан тасдиқланиши керак.