Карантин ва кузатиш. Машғулотни ўтказилиш жойи, жиҳозланиши

Тинчлик даврида эпидемияга қарши олиб бориладиган тадбирлар.


Эпидемияга қарши тадбирлар мақсади:
Юқумли касалликларни олдини олиш, ахоли орасида тарқалишига йўл бермаслик ва эпидемик ўчоқ вужудга келганда уни йўқотиш.


Тадбирлар 2 гурухга бўлинади.

1. 
   Эпидемияга қарши (профилактик) тадбирлар.
   
2. 
   Юқумли бемор пайдо бўлганда олиб бориладиган тадбирлар.
   

Эпидемияга қарши тадбирлар комплекси қуйидагилардан иборат.

1. 
   Ахоли ўрнашган туманларда ва қутқариш-тиклаш ишлари олиб борилаётган жойларда эпидемик қидирув (разветка) олиб бориш.
   
2. 
   Юқумли беморни эрта актив топиш, яккалаш ва ётқизиш.
   
3. 
   Юқумли касалликни хар бирини эпидемиологик текшириш.
   
4. 
   Юқумли беморни кўчиришда химояланиш тадбирларини ўтказиш.
   
5. 
   Кўрсатгичга қараб дезинфекция, дезинсекция ва деразитация ўтказиш.
   
6. 
   Бактерия ташувчини хисобга олиш уни йўқотиш.
   
7. 
   Юқумли бемор билан мулоқотда бўлганларни хисобга олиш ва кузатиш.
   
8. 
   Ахолига нисбатан шошилинч профилактика ва шошилинч эмлаш ўтказиш.
   
9. 
   Карантин ва кузатиб бориш (обсервация) тадбирларини олиб бориш. (кузатишга асосан)
   
10. 
    Тугатилган эпидемиологик ўчоқда эпидемик кузатиш.
    
11. 
    Ахолининг турмуш ва мехнат шароитини яхшилаш.
    
12. 
    Ахолини жисмоний чиниқтириш ва ривожлантириш.
    

Эмлаш асосий тадбир хисобланади, чунки инсон организмида хавфли инфекцияга нисбатан бардош берувчи холат (иммунитет) хосил бўлади. Тинчлик даврида маълум худудда касаллик пайдо бўлиб, тарқалиш эхтимоли бўлганда ёки четдан кириб келиш хавфи бўлганда ёки четдан кириб келиш хавфи бўлганда эмлаш ўтказилади. Оммавий эмлаш хавфли холатлар пайдо бўлганда ёки эпидемик ўчоқ вужудга келганда амалга оширилади.

Олдини олиш тадбирларига яна кўрсатиш мумкун: ахоли яшайдиган худудларни ўз вақтида ахлатлардан тозалаш; ахлатхоналарни, яшикларни тоза сақлаш, ахолини сифатли ичимлик суви билан таъминлаш, умум овқатланиш жойларни, бозорларни санитар холатини яхшилаш ва бошқа тадбирлар.
Юқумли бемор пайдо бўлганда-инфекция манбаини топиш, касаллик бериши сабабини аниқлаш, бемор билан мулоқотда бўлганларни билиш, карантин ва кузатиб туриш ва бошқа тадбирлар амалга оширилади.
Шуни билиш керакки, жами тадбирларнинг 2 гурухга бўлиниши нисбийдир, чунки бу тадбирлар бир вақтнинг ўзида хам олдини олиш ва йўқотиш тадбирларидир.