Камилов А. И. д м. н., профессор, член Совета Национальной палаты инновационного здравоохранения

Янги туғилган чақалоқларнинг умумий аҳволини баҳолаш 
Янги туғилган чақалоқда септик ҳолатнинг ривожланишига нисбатан 
юқори даражада сергак бўлишни талаб қилинади. 
Тиббиёт муассасасидан чиқарилганда, аёлни тиббий ёрдам ва 
касалхонага қайта келишни талаб қиладиган белгилар ҳақида хабардор қилиш 
керак. 
Кўп учрайдиган белгилар орасида респиратор инфекция аломатлари 
кузатилиши кўрсатилиши мумкин. 
Одатий равишда режалаштирилган тадбирлар ва муолажалар (масалан, 
эшитишни текшириш) кечиктирилиши мумкин. 
Кўкрак сути билан эмизиш 
Янги туғилган чақалоқларда COVID-19 инфекцияси ҳолатлари нисбатан 
кам қайд этилган, барча ҳолатлар енгил шаклда кечган. Шунингдек, она 
сутининг намуналарида, биринчи лактация давридан кейин, SARS-CoV-2 
инфекцияси мавжудлиги ҳам манфий бўлган. 

---

26 
COVID-19 инфекцияга гумон қилинаётган, эҳтимоли юқори ёки 
тасдиқланган оналардан туғилган чақалоқлар, инфекция юқишининг олдини 
олиш учун зарур чораларни кўриб, овқатлантириш бўйича стандарт 
тавсияларга мувофиқ озиқланишлари керак. 
Аёлларда ва/ёки уларнинг болаларида COVID-19 инфекцияси гумон 
қилинаётган/тасдиқланган бўлишидан қатъий назар, барча ҳомиладор аёллар 
ва янги туғилган чақалоқ ва ёш болали оналарга кўкрак сути билан эмизиш 
буйича маслаҳатлар берилиши, асосий психологик ва амалий ёрдам 
кўрсатилиши керак. 
Барча аёллар инфекция юқишини олдини олиш чоралари, кўкрак сути 
билан эмизишни бошлаш ва давом эттириш, қийинчиликлар юзага келганда 
ҳал қилиш буйича амалий ёрдам олишлари керак. Бундай ёрдамни тегишли 
равишда ўқитилган тиббиёт ходимлари ва эмизиш бўйича маслаҳатчилар 
амалга ошириши керак. 
Онанинг умумий аҳволи оғир бўлган ҳолларда, боласини парвариш 
қилишга ёки эмизишни давом эттиришга имкони бўлмаса, кўкрак сутини 
соғиш тавсия этилади. Инфекция юқишини олдини олиш чоралари кўрилиши 
керак. 
Агар онанинг умумий аҳволи оғир бўлса, кўкрак сути билан эмиза 
олмаса ёки кўкрак сутини соға олмаса, унда янги туғилган чақалоқни донор 
кўкрак сути ёки она сутининг ўрнини босувчи мос маҳсулотлар билан 
озиқлантириш мумкинлигини кўриб чиқиш керак.