Камилов А. И. д м. н., профессор, член Совета Национальной палаты инновационного здравоохранения

Туғруқ вақтида тиббий ёрдам кўрсатиш
Ҳомиладор аёлда COVID-19 инфекцияси мавжудлиги ҳомиладорликни 
тўхтатиш учун мутлоқ кўрсатма бўла олмайди, аммо ҳар бир алоҳида ҳолатда 
туғруқни тезлаштириш масаласи кўриб чиқилиши керак. Кўриб чиқилиши 
керак бўлган жиҳатлар аёлдаги касалликнинг кечиши, ҳомиладорлик муддати 
ва ҳомила ҳолатини ўз ичига олади. Аёлнинг умумий аҳволи бунга имкон 
берса, ҳомиладорлик муддати асосий кўрсаткич бўлиб қолиши керак.
Тиббиёт ходимлари шахсий ҳимоя воситаларидан фойдаланишлари 
керак.
Туғдириш муддатини танлашда қуйидаги тамойилларга асосланиш 
керак: 

Агар ҳомиладор аёлни муддатидан олдин туғдиришга кўрсатмалар 
мавжуд бўлса, масалан, йўлдошнинг олдинда жойлашиши, 
преэклампсия, ҳомиланинг нотўғри жойлашиши кузатилса, туғдириш 
муддати акушерлик кўрсатмалардан келиб чиққан ҳолда танланиши 
керак. 

---

19 

Агар ҳомиладор аёлда COVID-19 инфекцияси кечиши ижобий 
бўлмаса, акушерлик кўрсатмалари мавжуд бўлмаган ҳолда ҳам, 
ҳомиладорликни тўхтатиш масаласини кўриб чиқиш керак. 

Агар COVID-19 инфекцияси мавжуд бўлган ҳомиладор аёлнинг 
аҳволи оғир ёки ўта оғир деб баҳоланадиган бўлса, диагностик 
мезонларга мувофиқ, ҳаётий кўрсатмаларга кўра, ҳомиладорлик 
муддатига қарамай туғдиришни амалга ошириш керак. 

Операция ва операциядан кейинги асоратларни камайтириш учун 
кесарча кесиш амалиётини тажрибали жарроҳ ўтказиши керак, бунда 
ишончли гемостаз ҳолатига эришишга алоҳида эътибор берилиши 
лозим.

Эпидемия пайтида соғлиқни сақлаш тизимининг зўриқиши 
кузатилганда, ҳомиладорлик муддатининг 32-34 ҳафтасидан сўнг 
туғдириш, беморларни кейинги даволанишлари ва хавфсизлиги учун, 
баъзи ҳолатларда, афзалликларга эга бўлиши мумкин. 

Эпидемия пайтида кесарча кесиш амалиёти учун кўрсатмалар янада 
мослашувчан ва кенгайиши мумкин. Хусусан, туғруқнинг биринчи 
даври чўзилиб кетиши кузатилган аёлларда жарроҳлик йўли билан 
туғдиришдан кўпроқ фойдаланиш керак.