Камёб металлар кимёси

3. Тажриба ўтказиш услуби ва натижаларни қайта ишлаш, ҳисоблаш.


3.1. Лаборатория қурилмаси.
Лаборатория ишини ўтказиш учун магнитли аралаштиргичдан фойдаланилади.


3.2. Зарурий материаллар ва идишлар.
- куйинди
- 5,9,10% ли аммиак эритмалари
- 200 мл ҳажмли юқори ҳароратга чидамли стакан
- фильтр қоғоз
- электр плитка
- Нутьч филтр
- аналитик тарози


3.3. Тажриба ўтказиш тартиби.

4 – лаборатория ишидан сақлаб олиб қўйилган чўкма (филтрат) чини ҳовончага солиниб, майдаланади ва тарозида тортиб олинади. Майдаланган куйиндини шиша стаканга солинади ва 10 гр чўкма (филтрат) ҳисобига аввалдан ҳисобланган ҳолда 9% ли аммиак эритмаси (солиштирма оғирлиги 0,97 г/см) дан 30 мл қуйилади. (Ўқитувчининг кўрсатмасига мувофиқ 5% ли ёки аммиак эритмаси ҳам ишлатилиши мумкин).

Электр плиткасида аралаштириб турган ҳолда 0,5 соат мобайнида қиздирилади. Эритмани Нутьч филтрда фильтрлаб чўкмадан ажратиб олинади. Колбадаги эритмани буғлатиш учун шиша стаканга солинади.
Колбани электр плиткасига қўйилади. Колбадаги эритманинг рН ини 3,5-4 га келтириб олинади. Бунда НСl кислотаси қўшиш мумкин.


Аммоний парамолибдатини кристаллаш.
Оғир металлардан тозаланган аммоний молибдати эритмасини, сув ҳаммомида чини косачага солинган ҳолда бўтқа ҳолига келгунча буғлатилади. Буғлатиш вақтида аммиакнинг озгина миқдорини сақлаб қолишга (ҳидидан билиш мумкин) эътибор бериш, эритманинг қайнашига йўл қўймаслик лозим. Буғлатиш тугагандан сўнг чини косачани совуқ сувли идишга қўйиб совутилади. Орадан 1-2 соат ўтказиб кристалларни фильтрланади, фильтр қоғозлари орасига қўйиб қуритилади ва тарозида тортилади.
Кристаллар сувда эриши керак, буни текшириб кўрилади. Акс ҳолда, таркибида оз миқдорда аммиак бўлган умуман бошқа таркибли туз ҳосил бўлади.
Сўнгра концентрат таркибидан ажратиб олинган Мо нинг миқдори ҳисобланади. Аммоний парамолибдатини тахминий таркибини қуйидаги мос формула ёрдамида ҳисобланади.

3(NH₄)₂O · 7MoO₃ · 4H₂O