Кафиллик шартномаси

3. КАФИЛЛИКНИ ИЖРО ҚИЛИШ ТАРТИБИ
3.1. Қарз олувчи томонидан таълим кредити шартномаси мажбуриятлари бажарилмаганда ёхуд лозим даражада бажарилмаганда, “КАФИЛ” банкнинг ёзма талабномасини олгач, 3-иш кунида ихтиёрий равишда қарз олувчининг ижро қилинмаган пул мажбуриятларини бажаради.
3.2. “КАФИЛ” мажбуриятни бажармаганда ёки лозим даражада бажармаганда, шунингдек бажарилишини кечиктирганда ёхуд бажаришдан бош тортганда амалдаги қонунчилик талаблари ва ушбу шартноманинг 5-бандига биноан мулкий жавобгарликка тортилади.
3.3. Қарз мажбуриятини бажаришни бошқа шахсга ўтказиш тақиқланади.


4. КАФИЛЛИКНИНГ БЕКОР ҚИЛИНИШИ
4.1. “КАФИЛЛИК” қуйидаги ҳолларда бекор бўлади:
- кафиллик шартномаси билан таъминланган асосий мажбурият тўлиқ бажарилганда;
- кафиллик билан таъминланган мажбуриятлар бекор бўлганда, кафилнинг розилигисиз жавобгарликни кучайтиришга ёки унинг учун нохуш оқибатларга олиб келадиган тарзда ушбу шартномага ўзгартириш киритилганда;
- кредит мажбуриятларини бажариш муддатлари тугаган кундан бошлаб бир йил мобайнида “КАФИЛ”га нисбатан “БАНК” даъво қўзғатмаган тақдирда.


5. ТАРАФЛАРНИНГ ЖАВОБГАРЛИГИ
5.1. Тарафларнинг жавобгарлиги Ўзбекистон Республикасининг “Хўжалик юритувчи субъектлар фаолиятининг шартномавий-ҳуқуқий базаси тўғрисида”ги қонун ва фуқаролик қонунчилиги билан белгиланади.
5.2. “КАФИЛ” банкнинг талабини ижро қилишдан бош тортганда, “КАФИЛ” “БАНК”ка ўзи тўлашни рад этган ёки бош тортган сумманинг 25 фоизи миқдорида жарима тўлайди.
5.3. Тарафларнинг бири бошқа тарафнинг олдида ушбу шартнома бўйича олган мажбуриятларини форс-мажор ҳолатларда, яъни, тарафларнинг эрки ва истагидан ташқари вужудга келган ҳамда уларни олдиндан кўра билиш ёки бартараф этиш мумкин бўлмаган ҳолатлар (ер қимирлаш, сув тошқини, ёнғин ва бошқа табиий офатлар)да бажармаганликлари учун жавобгар бўлмайдилар.
5.4. Тарафларнинг мажбуриятни бажаришдан озод қилиниши учун бу форс-мажор ҳолатлар мажбуриятнинг бажарилмаслигига тўғридан-тўғри тўсқинлик қилган бўлиши лозим ва буни асослантирувчи ҳужжатларни банкка тақдим қилишлари лозим.
5.5. Ушбу шартномада кўзда тутилмаган ўзаро муносабатлар Ўзбекистон Республикасининг Фуқаролик Кодекси ва бошқа қонунчилик ҳужжатлари билан тартибга солинади.
5.6. Мазкур шартномани бажариш юзасидан келиб чиқадиган барча низолар музокара йўли билан ҳал этилади. Музокара йўли билан ҳал этилмайдиган низолар суд орқали ҳал этилади.
5.7. Мазкур шартномани ижро этиш бўйича ҳар қандай суд инстанциясида банк тақдим этган ҳужжат, ушбу қарздорлик суммаси банкка тегишлилиги ва тўланиши лозимлигини тасдиқловчи prima facie (бирламчи) далил ҳисобланади.
5.8. Ҳисоб рақамида маблағлар бўлмаса ёки етарли бўлмаса “КАФИЛ” кредит бўйича тўловлар ва унга ҳисоблаб ёзилган фоизларни Ўзбекистон Республикаси Вазирлар Маҳкамасининг 2002 йил 4 декабрдаги 422-сонли қарори билан тасдиқланган “Банкларнинг кредитлари бўйича қарздорлик ўз вақтида қайтарилмаган тақдирда ундирувни қарздорларнинг ликвидли мол-мулкига қаратиш Тартиби”га асосан ликвидли мол-мулкининг олинишига қаршилик қилмайди.