Kafedrasi mahmudov shohruh bahodirovich

 

I bob bo‘yicha xulosa 

 

Har  qanday  davlat  va  jamiyatning  o‘z  oldiga  qo‘ygan  maqsad  va 

vazifalarini  bajarish  uchun  kuchli  ijtimoiy  himoya,  ta’lim,  sog‘liqni  saqlash, 

mudofaa hamda boshqaruv organlarini saqlab turish zarur bo‘ladi. Buning uchun 

rivojlangan  budjet  tizimini  yaratish,  mamlakat  hududidagi  mavjud  daromad 

manbalari va xarajat yo‘nalishlari haqida aniq asoslangan tahliliy malumotlarga 

ega bo‘lish talab etiladi. Davr talabidan kelib chiqib, davlat budjetining o‘rta va 

uzoq  istiqboldagi  rivojlanish  yo‘nalishlarini  belgilab  olish  uchun  ushbu 

malumotlarni  aniq  va  o‘z  vaqtida  taminlab  beruvchi  mexanizm  sifatida 

G‘aznachilik organlari oldiga davlat budjeti g‘azna ijrosini tashkil qilish, davlat 

budjeti ijrosining buxgalteriya hisobi va xisobotini yuritish, davlat budjeti ijrosi 

haqida  axborotlarni  to‘plash,  qayta  ishlash  va  tahlil  qilish,  shuningdek, 

O‘zbekiston  Respublikasining  davlat  ichki  va  tashqi  qarzlariga  xizmat 

ko‘rsatish, O‘zbekiston Respublikasi kafolatlarini bajarish kabi muhim vazifalar 

yuklatilgan. 

G‘aznachilik  davlat  moliyasini  samarali  boshqarish  uchun  ham,  undan 

oqilona  foydalanilishi  ustidan  qat’iy  nazoratni  ta’minlash  uchun  ham  zamin 

yaratdi.  Birinchidan,  g‘aznachilik  davlat  budjetining  ijrosi  jarayonida  yuzaga 

keladigan daromad va harajatlarni o‘z hisobvaraqlarida jamlaydi. Mablag‘larning 

Yagona  g‘azna  hisobvarag‘iga  soliq  va  soliq  bo‘lmagan  daromadlar  ko‘rinishida 

kelib tushishi moliyaviy resurslarni operativ boshqarish va davlat budjeti xarajatlarini 

---

20 

 

o‘z vaqtida to‘lash uchun barqaror baza yaratadi. 

Ikkinchidan,

 dastlabki nazoratni 

amalga oshirish uchun sharoit yuzaga keladi, ya’ni davlat budjetining maqsadli 

va  to‘g‘ri  foydalanilishi  keyingi  nazorat  o‘rnatish  orqali  amalga  oshirilmaydi, 

budjet  mablag‘lari  ko‘zda  tutilmagan  maqsadlar  uchun  ajratilmaydi. 

Mamlakatimizda  Davlat  moliyasi  tizimini  isloh  qilish  jarayonida  amalga 

oshirilayotgan  xar  bir  o‘zgarishlar  natijasida  pirovard  maqsad  ko‘zlanib  ish 

yuritilmoqda. 

Xulosa  qilib  aytganda,  mamlakatimizda  davlat  budjeti  g‘azna  ijrosining 

joriy  etilishi  davlat  moliyasini  boshqarishning  mavjud  tizimini  yanada 

takomillashtirishga  ko‘maklashdi.  G‘aznachilikning  faoliyati  natijasi  o‘laroq, 

Moliya  Vazirligida  davlat  moliyasining  qisqa  muddatli  har  kunlik  holati 

to‘g‘risida  tezkor  ma’lumotlar  olish  imkoni  yuzaga  keldi,  bu  esa  budjetning 

davlat  qo‘lidagi  iqtisodiy-ijtimoiy  jarayonlarga  ta’sir  ko‘rsatishning  samarali 

vositasi  sifatidagi  ahamiyatini  yanada  oshirdi.  Budjetning  g‘azna  ijrosi  bilan 

qamrab  olinayotgan  jarayonlarning  kengayib  borishi  bilan  g‘aznachilik 

faoliyatining  qonuniy-huquqiy  asoslarini mustahkamlash  va  takomillashtirishga 

bo‘lgan ehtiyoj va zaruriyat ortib boraveradi.