Кафедраси доценти, техника фанлари номзоди

1.5. Кундалик автотранспорт хизматлари учун сув сарфи.
Автотранспорт воситаларини ҳар куни ювиш учун махсус жиҳозланган зона бор. Автомобилларни ювиш махсус линияларида ташкил этилган, бу ерда тозалаш ва қуритиш постлари мавжуд.
1та автобусни ювиш учун ишлатиладиган сувнинг ҳисоб – китоби – 1м³ (маълумотга кўра)
Бунда: Q_сут=А_и ·х α_m1000/1000=140·0,95·1000/1000=133 м³/сут;
Q_йил= Q_сут х 365 =133·365=48 545м³/йил.
Бу ерда: А_и –рўйхатдаги автобуслар сони = 140 α_m – режавий техник тайёргарлик коэффициенти = 0,95 (кўпчилиги янги автобуслар)


1.6. Корхона оқова сувларини тозалаш усулини танлаш.
Сув тозалаш схемасини тузишда мавжуд усул ва режимларни танлаш керак.
Дастлабки лаборатория текшириш ўтказиш ва бир нечта вариантларни техник – иқтисодий қиёсий баҳолаш мақсадга мувофиқ.
Оқова сувларнинг ҳамма ифлосланиши 4 гуруҳга бўлинади.
Сув қўшилма аралашмасининг 1 гуруҳига сувда оғирликка эга моддалар киради, бундан ташқари бактериал ва бошқа биологик ифлосланишлар киради.
Бу қўшилма (чиқиндиларни) реагент ва реагентсиз усуллари билан йўқотиш мумкин.
2 гуруҳни турли хил гидрофиль ва гидрофоб коллоидли тизим, юқори молекуляр моддалар ва детергентлар ташкил қилади.
Уларни йўқотиш учун турли хил услублар ва технологик усуллар қўлланилади. Масалан; сувни коагулянтлар, флокулянтлар, оҳак, хлор,озон ва бошқалар билан тозалаш мумкин.
3 гуруҳ аралашмалар учун молекуляр эритмалар яхши натижа берадиган жараён – аэроциялаш, оксидлаш, адсорбциялаш.
4 гуруҳ аралашмалари электролитлар бўлиб сувни тозалаш технологияси йўқотиладиган ионларнинг реагентлар билан боғлашга асосланган.
Корхонанинг оқова сувларини тозалаш учун қуйидаги усулларни кўриб чиқиш мумкин:

1. 
   Хўжалик – маиший эҳтиёжлар учун ишлатиладиган сувлар биологик тозаланиши керак. Корхоналарда бу сувлар тозаланмайди, улар шаҳар канализациясига оқизиб юборилади.
   
2. 
   Двигатель, ойна, автомобиль (автобуслар)ни ювишда ишлатилган сувлар қайтадан ишлатилиши мумкин. Бунинг учун уларни корхонанинг ўзида тозалаш керак. Чунки бу сувларнинг таркибида механик аралашмалар, нефть маҳсулотлари ва ювиш воситалари бор, улар механик тозаланиши керак (қум ушлагичлар, чўкиндилар, гидроциклонлар, фильтрлар) ва физик – кимёвий тозалаш (флотация)
   
3. 
   Мисгарлик участкасида деталарни ювишга ишлатилган сув таркибида олтингугурт кислотаси, бошқа кимёвий бирикмалар мавжуд, шунинг учун уларни кимёвий тозалаш керак.
   
4. 
   Территорияни суғориш учун ишлатилган сув қайтарилмайди, улар учун эса тозалаш усули танланмайди.
   

Шундай қилиб, корхонада двигатель, ойна, автомобилларни ювишдан ва мисгарлик бўлимидан чиққан оқова сувларни тозалаш зарур.
Курс лойиҳасининг кейинги қисмида автомобилларни ювиш учун айланма сув таъминотининг тозалаш иншоотлари тизимини лойиҳалаштириш керак.