Кафедраси доценти, техника фанлари номзоди

2. Курс лойиҳасини ташкил қилиш.
Курс лойиҳасини бажариш учун зарур бўлган бирламчи маълумотларни ўқитувчи беради. Бу маълумотлар махсус топшириқ варақларга ёзилади ва ўқитувчи ва талаба томонидан имзоланади, кафедра мудири томонидан тасдиқланади.
Топшириқ билан бирга асосий адабиётлар ҳам кўрсатилади.
Бундан ташқари тушунтириш вақтида ўқитувчи қўшимча адабиётлардан фойдаланишни тавсия этади.
Бажарилган курс лойиҳаси ўқитувчига текширишга берилади, кейин талаба томонидан ҳимоя қилинади.
Текшириш натижасида талабанинг билими махсус тузилган комиссия томонидан баҳоланади. Курс лойиҳаси кафедрада ушбу фаннинг якуний назорати бошланишидан олдин бажарилади, текшириш учун топширилади ва ҳимоя қилинади.
3. Курс лойиҳасини изоҳлаш
Курс лойиҳаси тушунтирув ёзуви ва график қисмдан иборат бўлиши керак. Тушунтирув ёзуви 20-25 бетдан иборат бўлиши, бунга чизмалар, жадваллар, расмлар киради. Ҳисобот А4 формат ўлчамли стандарт ёзув қоғозларида бажарилади. Матн аниқ ёзилиши, чизма ва расмлар фақат қора сиёҳда ёки қаламда ёзилиши керак.
Варақнинг 4 томонидан ҳошия қолдириш керак. Чап ҳошия ўлчами – 20мм, қолганлари – 5мм.
Ҳисобот матни боб ва бўлимларга бўлиниши, саҳифалар рақамлар билан рақамланиши керак.
Бўлим сарлавҳалари ва бўлимчаларга янги қатордан хат бошидан ёзилади, сарлавҳадан кейин нуқта қўйилади.
Ҳар бир формуладан кейин тегишли ўлчов бирликлари қўйилади.
Адабиётлар рўйхатига ҳамма фойдаланилган манбалар ҳисобот матнини тузиш тартибида жойлаштирилади.
Ҳисобот матнини чиқаришда адабиётлар рўйхатида манбаларга тартиб рақами қўйиш керак, масалан, [3]
График қисми техник чизма чизиш қоидаларига амал қилган ҳолда бажарилади. График қисм А2 формат ўлчамли 2та варақдан иборат.
1-чи варақ: айланма сув таъминоти тизимининг схемаси.
2-чи варақ: сув тозалаш тизимининг элементлари чизмаси (ўқитувчининг топшириғи бўйича).
4. Ҳисоб – китоб изоҳ хатининг мазмуни.
Ҳисоб – китоб тушунтириш ёзуви қуйидаги бўлимлардан ташкил топиш керак:

1. 
   Мундарижа – 1 бет.
   
2. 
   Кириш – 1 -2 бет.
   
3. 
   Ҳисоб – китоб қисми – 15-18 бет.
   
   1. 
      Автокорхоналар мисолида сув таъминоти ва сув оқоваларининг ҳисоб –китоб меъёрлари.
      
   2. 
      Тозалаш қурилмалари тизими ва айланма сув таъминотини ҳисоб – китоб қилиш ва лойиҳалаштириш.
      
4. 
   Хулоса – 1-2 бет.
   
5. 
   Фойдаланилган адабиётлар рўйхати – 1 бет.