Kafedra mudiri: I. Qur’onov

Siydik tutolmaslik

Siydik tutolmaslik deb, zahar tang bo‘lmasdan siydik chiqarishga aytiladi. Bu ko‘pincha bosh yoki orqa miya kasalliklarida (falaj bo‘lgan), yuqumli kasallikka chalingan bemorlarn²i²n⁸g behushlik holatida, qovuq va siydik chiqarish kanali kasalliklarida va nevrozlarda kuzatilishi mumkin. Siydik tutolmaslikka bevosita sfinkter nerv regulatsiyasining buzilishi, bo‘shashib qolishi yoki falajlanishi sabab bo‘ladi. Doim o‘rinda yotadigan bemorlar siydigini tutolmaydigan bo‘lsa, ularni ayniqsa qunt bilan parvarish qilish kerak, chunki siydik ich kiyim, o‘rin-boshlarni ifloslantirishi, ammiak hidi(shiptir hid) chiqarishi, hamda terini bichiltirishi va yotoq yaralar paydo qilishi mumkin. Siydik tutolmaydigan bemorlarga siydikni yig‘ish uchun shisha idish(siydik yig‘gich) yoki rezina sudno tutiladi. Uni kuniga 3—4 marta to‘kish va iliq suvda sovunlab yuvish lozim. Siydik yig‘gich devorlarida hosil bo‘ladigan ammiak hidli qattiq cho‘kmani eritish uchun uni kaliy permanganat (1:5000) yoki xlorid kislotaning kuchsiz eritmasi bilan chayish kerak. Rezina sudnoni tez-tez bo‘shatib turish kerak, chunki rezina siydikni qisman o‘ziga singdiradi, natijada hidni yo‘qotib bo‘lmaydi. Yuradigan, lekin siydik tutolmaydigan bemorlarga oson yuviladigan elastik materiallar: rezina, polietilen, neylon, kapron va shu

kabilardan tayyorlangan maxsus siydik to‘plagichlar chiqarilgan. Bular bemorga harakat qilish, ishlashda xalaqit bermaydigan qilib bog‘lab qo‘yiladi