Kafedra mudiri: I. Qur’onov

Bemorning o‘rindagi holati

Ko‘pgina kasalliklarda bemorlar holati turlicha ko‘rinishga ega (to‘la faol, sust faol, majburiy) bo‘ladi. Bemorlar qoniqarli holatda faol harakatga ega bo‘lib, ular barcha ehtiyojlarini o‘zlari qondira oladilar (mustaqil ravishda o‘tirib, turib, ovqatlanib,

yuvinib va h.k.). Sust holatdagi bemorlar kam harakat, mustaqil o‘girilib bosh, qo‘llarini ko‘tara olmaydilar. Ko‘pincha bemorlar behush holda bo‘ladilar. Ayrim kasalliklarda bemorlar og‘riq hissini kamaytirish maqsadida majburiy holatni egallaydilar, masalan, yo‘talda, nafas qisganda, og‘riqda. Nafas qisganda bemor o‘tirgan holatni egallaydi, bu esa nafas olishni yengillashtiradi. Bemor holati buyurilgan harakat, ya’ni qat’iy yotish, yotish, yarim yotish tartibiga har doim ham mos kelavermaydi. Masalan, miokard infarkti bilan og‘rigan bemorlar hatto faol holatda bo‘lsalar ham qat’iy yotish tartibiga rioya qilishlari lozim. Og‘ir bemorlar uchun qulay sharoit yaratib berish maqsadida maxsus karavotlardan foydalaniladi.

Bu karavotlarning oyoq va bosh tomonlarini ko‘tarish va tushirish mumkin. Hozirgi

vaqtda takomillashgan, harakatda yengil karavotlar mavjud.