Kafedra mudiri: I. Qur’onov

Dezinfeksiya qilish turlari va usullari

Dezinfeksiya yoki zararsizlantirish patogen mikroblarni yo‘qotish maqsadida olib boriladi. Jarohat yuzasi, qon yoki inyeksion preparatlar bilan aloqador
bo‘lmagan barcha bayumlar dezinfeksiya qilinadi. Yiringli va yuqumli kasalliklarga
chalingan bemorlarn¹⁸i⁹ operatsiya qilish uchun qo‘llaniladigan jarrohlik asboblari
sterilizatsiyadan oldin yuviladi, so‘ng zararsizlantiriladi.

Zararsizlantiruvchi eritmalarni tayyorlash

Davolash-profilaktika muassasalarida kimyoviy vositalardan tayyorlangan zararsizlantiruvchi kukun va tabletka ko‘rinishidagi kuchli va ishchi eritmalarni qo‘llash keng tarqalgan. Zararsizlantiruvchi vositalar maxsus shamollatgich o‘rnatilgan alohida xonalarda tayyorlanishi lozim. Tarkibida xlor elementi bo‘lgan zararsizlantiruvchi eritmalarni tayyorlashdan oldin maxsus xalat, respirator, qalpoqcha, qo‘lqoplar kiyilishi zarur.

Katta tozalash tadbirlarini o‘tkazishda zararsizlantiruvchi eritmalar almashtirilib ishlatiladi. Ko‘p ishlatiladigan shpris va asboblarni kalsiy gipoxlorid eritmasida zararsizlantirilmaydi, chunki ular tez ishdan chiqadi. Me’yorda 1 m2 joyga 200 ml zararsizlantiruvchi eritma ishlatiladi.

Qo‘lni yuvish

Hamshiralardan har bir muolajadan oldin va keyin qo‘llarini yuvish va parvarishlash talab qilinadi.

1. 
   Jo‘mrakni ochib suv harorati va oqimi tartibga solinadi.
   
2. 
   Tirsaklarning chap, o‘ng, pastki qismi sovun bilan yuviladi va chayiladi.
   
3. 
   Sovun bilan avval chap, so‘ng o‘ng qo‘l barmoqlari va oraliqlari yuviladi, suv bilan chayiladi.
   
4. 
   Avval chap, so‘ng o‘ng qo‘l tirnoqlar yuzasi sovun bilan yuviladi.
   
5. 
   Barmoqlar tegmagan holda jo‘mrak yopiladi.
   
6. 
   Avval chap, so‘ng o‘ng qo‘l quritiladi (iloji bo‘lsa qog‘oz salfetkalardan foydalanilgani ma’qul).
   
7. 
   Steril maydonda ishlash uchun qo‘lni yuvishdan tashqari zararsizlantirish ham lozim. Qo‘lni zarar¹s⁹i⁰zlantirishning turli usullari mavjud. Shulardan biri chumoli kislota yordamida zararsizlantirishdir.
   

Qo‘lni chumoli kislota yordamida zararsizlantirish.

1. 
   Qo‘llar sovun bilan oqar suvda yuviladi.
   
2. 
   Steril salfetka bilan quritiladi.
   
3. 
   Qo‘llar chumoli kislota solingan tog‘orada bir daqiqadan yuviladi, so‘ng steril salfetka bilan quritiladi; avval bir qo‘l, so‘ng ikkinchi qo‘lni barmoqlardan boshlab tirsakkacha salfetka bilan quritiladi.