Kafedra mudiri: I. Qur’onov

Dori moddalarini ro‘yxatga olish

Tibbiyot hamshirasining postida ham muolaja xonasidagi kabi shkaf bo‘lishi lozim. Unda «A» va «B» ro‘yxatdagi dori moddalari saqlanadi. Shkaf kaliti hamshiralarga berilganda maxsus daftarga qayd qilinadi. Shkafda saqlanadigan dori moddalarining ishlatilgani to‘g‘risida maxsus daftarga yozib boriladi. Daftarning barcha varaqlari raqamlanib, ip o‘tkaziladi. Ipning bo‘sh uchi oxirgi varaqda qog‘oz varag‘i bilan yelimlab mahkamlanadi. Shu varaqda daftar va raqlarining raqamlari soni
yoziladi va davola²s³h⁷ muassasasining dumaloq muhri qo‘yiladi. Daftarning
raqamlangan varaqlari «A» va «B» ro‘yxatdagi dori moddalari uchun bo‘lib qo‘yiladi. Bu daftar ham shkafda saqlanadi. Yillik «A» va «B» ro‘yxatdagi dori moddalarining ishlatilishi bo‘lim katta hamshirasi tomonidan nazorat qilinadi. Zaharli va kuchli ta’sir qiladigan dorilarni noto‘g‘ri saqlagan va talon-toroj qilgan tibbiy xodim jinoiy javobgarlikka tortiladi.
Eslatma: 1. Tibbiy hamshira narkotik moddalarni shifokor bemorning kasallik tarixiga yozib buyurgandagina qo‘llashi mumkin va ma’lumotlarni bemor huzurida kasallik tarixiga belgilashi kerak. 2. Narkotik moddalarning bo‘sh ampulalari ishlatilmaganlari bilan birga navbatchi hamshiraga topshiriladi.

3. 
   Navbatchilikni topshirishda ishlatilmagan va ishlatilgan ampulalar sonining ro‘yxat daftarida yozilganligi tekshiriladi.
   
4. 
   Narkotik moddalar ishlatib bo‘lingandan so‘ng bo‘sh ampulalar bo‘lim katta hamshirasiga topshiriladi va o‘rniga yangilari olinadi.
   
5. 
   Ishlatilgan narkotik moddalarning ampulalari maxsus komissiya va davolash muassasasining rahbari tomonidan tasdiqlanib yo‘qotiladi.
   

DORI VOSIТALARINI YOZIB BERISH, SAQLASH VA QO‘LLASH

Eng muhim terapevtik tadbirlardan biri dori-darmonlar bilan davolash hisoblanadi. Тibbiyot hamshirasi zarur dori-darmonlarni to‘g‘ri yozib berishi, saqlay olishi, bemorlarga o‘z vaqtida dorilarni tarqatishi va ularni yuborish usullarini bilishi kerak. Dorilarni bemorga hamshira beradi va bemor dorilarni uning huzurida qabul qilishi lozim. Тibbiyot hamshirasi o‘z vazifasini kichik hamshiraga yoki bemorning o‘ziga yuklashi man qilinadi. Har qanday dori vositasini qo‘llanishdan oldin bеmorga tushuntirish va uning roziligini olish shart.