Kadrlar tayyorlanadigan

4.2. Rejalashtirish
Rejalashtirish boshqaruv jarayonining birinchi, g’oyatda muhim vazifasi bo’ladi. Agar rejaviy ko’rsatkichlar yetarlicha asoslanmagan bo’lsalar, tashkilot keyingi bosqichlarda qanchalik yaxshi ishlanmasin, natija past bo’ladi. Shuning uchun boshqaruvning sifati rejalashtirishning to’g’ri shakllantirilgan tamoyillariga bog’liqdir (5-rasm).

Rejalashtirish vazifasi quyidagi savollarga javob qaytarishga qaratilgan:

• 
  biz hozirgi vaqtda qayerda turibmiz? Menejerlar tashkilot haqiqatdan ham nimalarga erishishi mumkinligini aniqlash uchun, tashkilotning uning asosiy sohalari (moliya, xodimlar, marketing, ITTKI)dagi kuchli va zaif tomonlarini baholashlari kerak;
  
• 
  biz qaysi tomonga harakatlanishni xohlaymiz? Menejerlar tashkilotning atrof- muhitidagi imkoniyatlar va xavflarni baholab turib, tashkilotning maqsadlari qanday bo’lishi kerakligini va ularga erishishga nimalar halaqit berishlari mumkinligini belgilashlari kerak;
  
• 
  buni biz qanday qilmoqchimiz? Menejerlar tashkilot a’zolari maqsadlarga erishmog’i uchun nimalar qilishlari kerakligini hal qiladilar.