K k o o r r X x o o

Axborot tushunchasi 
 
«Axborot» iborasi – bizning leksikamizdagi eng ommabop iboralardan biri 
bo’lib hisoblanadi. Unda keng qamrovli ma’nolar mujassamdir, qoidaga ko’ra, 
unga ta’rif intuitiv darajada beriladi. Axborotlar telefon, telegraf, radio, 
televideniye orqali uzatiladi. Ular kutubxonalarda, arxivlarda, ma’lumotlar 
bazalarida saqlanadi. Axborot – bu ham o’lchov asboblarning ko’rsatgichlari, xam 
oziq-ovqat ta’mi, hidi va h.k.lardir. Umuman olganda, axborot – bu inson 
faoliyatini takomillashtirish va bilimlarni to’ldirish uchun foydalanishi mumkin 
bo’lgan yangi ma’lumotlardir. 
Axborot moddiy mohiyatni aks ettirib, axborot manbalarni va uning 
iste’molchilari o’rtasidagi o’zaro aloqalarni tavsiflash usuli sifatida xizmat qiladi. 
Axborotlarni saqlash, qayta ishlash va uzatish mumkin bo’lgandan keyin, uni 
saqlovchi, yetqazib beruvchi aloqa kanallari va qabul qiluvchilar bo’lishi kerak. 
Ushbu muhit axborot manbalari, uning iste’molchilarini axborot tizimga 
birlashtiradi. 
Qarorlar qabul qilishda axborotlarga yanada yuqori talab qo’yiladi. Har 
kunlik amaliyotda axborotlar, ma’lumotlar va bilim tushunchalari aksariyat 
hollarda sinonimlar sifatida ko’riladi. Biroq, aslida esa, bunday emas. Ma’lumotlar 
– bu xabarlar, faktlar, miqdorlar va ularni nisbati bo’lib, ularni qayta ishlash hamda 
ishlov berish axborotlarni olishga imkon beradi, ya’ni ma’lumotlar ishlov berish 
natijasida axborotlarni yaratish uchun xom ashyo sifatida mazkur ma’lumotlar 
xizmat qiladi.
Bilim – axborotlarning oliy shakli bo’lib hisoblanadi (2.1. rasm).