K k o o r r X x o o

MAVZU 3. Axborot texnologiyalar tushunchasi 
 
Reja: 
1. Texnologiyalar. Axborot texnologiya tushunchasi. Axborot texnologiyani maqsadi.
2. Axborot texnologiyani instrumental vositalari. Axborot texnologiyani tarkibiy 
qismlari. Axborotni qayta ishlash jarayoni.
3. Avtomatlashtirilgan axborot texnologiya (AAT) larni vazifalari. AAT ni tarkibi. 
AATni ta’minoti. 
 
Darsning o’quv maqsadi: «Texnologiya» - mohiyati ta’rifini berish. Axborot 
texnologiya ta’rifini berish. Axborot texnologiya tarkibiy qismlarni aniqlash. AAT vazifalar va 
tarkibini aniqlash. 
Instrumental vositalari: Doska, kompyuter, proyektor, slaydlar. Ilmiy adabiyotlar, 
darsliklar, uquv qullanmalar, monografiyalar va h.q. 
Dars o’tish usullari: Ma’ruza materiallari bilan talabalarni tanishtirish, talabalarga 
tarqatma materiallarni taqsimlash. Dars jarayonida zamonaviy uquv pedagogik texnologiyalarni 
– «aqliy xujum», guruxlarda ishlash, prezentasiya, munozaralarni tashkil etish qullash. 
Texnologiya so’zi grek tilidan tarjima qilinganda (techne) san’at, 
mahorat qobiliyat degan ma’noni anglatib, bevosita jarayon tushunchasi 
bilan bog’liq. Jarayon o’z navbatida, qo’yilgan maqsadga erishishga 
qaratilgan ma’lum harakatlar yig’indisi deb tushuniladi. Jarayon inson 
tomonidan tanlangan strategiya bilan aniqlanadi hamda turli vosita va 
usullar yordamida amalga oshirilishi mumkin. 
Axborot neft, gaz va boshqa foydali qazilmalar singari odatdagi 
resurslarning moddiy turlari bilan bir qatorda jamiyatning qimmatbaho 
resurslaridan biri bo’lib hisoblanadi, demak uni qayta ishlash jarayonini, 

---

moddiy resurslarni qayta ishlash jarayoniga o’xshashligi sababli
texnologiya deb qabul qilish mumkin. Shu bois quyidagi ta’rifni kiritish 
mumkin. 
Axborot texnologiyasi – obyektni, jarayonini yoki hodisaning 
(axborotli mahsulotning) holati to’g’risida sifat jihatdan yangi axborotlar 
olish uchun ma’lumotlarni (boshlang’ich axborotlarni) yig’ish, qayta ishlash 
va uzatish vositalari hamda usullaridan foydalaniladigan jarayondir.
Axborot texnologiyalarning maqsadi – axborotlarni ishlab chiqish, inson 
tomonidan uni tahlil qilish, hamda uning asosida qarorlar qabul qilishdan 
iborat.