K I m y o ki my oga oi d atama lar etimilo gi ya si

Anximer effekti 
Qo‘shni  funksional  guruhlar  tomonidan  reaksiyaning  tezlanishiga  yordam  berilishi, 
yoki,  unga  ko‘mak  ko‘rsatilishi  effekti.  Boshqacha  nomi  «anximer  tezlanish»,  «anximer 
ko‘mak». 1939-yilda Amerikalik  kimyogar Sol  Uinsteyn  (1912-1969) ushbu terminni  taklif 
qilganida  uni  yunoncha  «anchi»  -  «yaqinida»  va  «meros»  «qism»,  «bo‘lak»  so‘zlaridan 
yasaganligini iddao qilgan edi.  

---

66 
 
Approksimatsiya  
Lotinchadagi  «approximo»  so‘zidan  kelib  chiqqan  termin.  Ma’nosi  «yaqinlashmoq» 
degan so‘zga mos keladi.  
Avtoklav 
Moddalarni bosim ostida qizdirish uchun mo‘ljallangan va germetik zich yopiladigan 
maxsus  idish.  Termin  yunoncha  «autos»  -  «o‘zi»  va  lotincha  «claudere»  -  «yopmoq», 
«berkitmoq» so‘zlaridan yasalgan.  
Azeotroplar 
Yunonchada  «zein»  so‘zining  ma’nosi  «qaynamoq»  degani  bo‘ladi.  «trope»  esa  – 
o‘zgarish  degan  so‘zga  to‘g‘ri  keladi.  Yunon  tili  qoidalariga  ko‘ra,  «a-»  old  qo‘shimchasi 
so‘zga  nisbatan  inkor  ma’nosini  beradi.  Aynan  tarjimada  esa,  azeotrop  termini  qaynatib 
sovitilganda ham o‘z xossalarini o‘zgartirmaydigan moddalarni anglatadi. Azeotrop aralashma 
suyuqliklarni  qaynatib  haydash  orqali  o‘zaro  ajratishning  iloji  yo‘q.  Misol  uchun,  96% 
(aniqrog‘i, 95,57%) lik etil spirtini keltirish mumkin. Undan butunlay suvni chiqarib tashlash 
18,5 % spirt, 74,1% benzol, 7,4% suvdan iborat uchlanma azeotrop aralashmani haydash orqali 
bajariladi. Ushbu aralashma 64,9 °C da qaynaydi.