K I m y o ki my oga oi d atama lar etimilo gi ya si

Alyuminiy        
Qadimgi  Rimliklar  achchiqtoshni  alumen  deb  nomlashgan.  Attorlar  hozir  ham 
bozorlarda sotadigan ushbu achchiqtosh aslida mineral bo‘lib, uning tarkibi KAl(SO
4
)
2
.12H
2
O) 
ko‘rinishida  bo‘ladi.  Ajdodlarimiz  bu  mineralni  yara-chaqalarni  davolashda,  ayniqsa  og‘iz 
bo‘shlig‘ida paydo bo‘ladigan yaralarni tuzatishda ishlatishgan. Haqiqatan ham, achchiqtosh 
og‘izdagi  yarani  tez  tuzatadi  va  shu  sababli  ham,  uni  og‘izdagi  yaraga  qo‘yilganda,  uning 
achchiq ta’mi bilinadi. Rimliklar esa undan mato bo‘yashda ham foydalanishgan. Taxminlarga 
ko‘ra, lotinchadagi ushbu alumen nomi ham, o‘z navbatida, yunoncha alme so‘zidan yasalgan 
bo‘lishi mumkin. Bu so‘z esa qadimgi yunonlarda namakobni, ya’ni, sho‘r suvni ifodalagan. 
Alyuminiyni  ingliz  tilida  ikki  xil  ifodalanishi  ham  qiziq.  Britan  orollarida  bu  element 
aluminium deb yoziladi va o‘qiladi. AQSH va uning ta’siridagi ingliz tilli mamlakatlarda esa, 
bu aluminum tarzida ifodalanadi.   
Lantan        
1794-yilda  Finlyandiyalik  kimyogar  Yuxan  Gadolin  serit  mineralidan  yangi  «ittriyli 
yer» aniqlagan edi. 1803-yilda esa, aynan o‘sha mineralning o‘zidan Yens Yakob Berselius 
hamda, Vilgelm Xeyzinger birgalikda, yana bir «yer»ni kashf qilishdi va unga «seriyli yer» 
deb  nom  berishdi.  Ushbu  «yer»lardan  keyinchalik  yana  qator  siyrak  yer  elementlarining 
oksidlari aniqlandi. Shunday siyrak yer elementlaridan birini 1839-yilda ochilgan edi va unga 
Berseliusning  taklifiga  binoan  «lantan»  deb  nom  berilgan.  Yunonchada  «lanthano»  - 
«yashirinmoq», «pinhon» kabi ma’nolarni anglatadi. Bunday nom tanlanishiga sabab, ushbu 
element o‘n yillar mobaynida kimyogarlar ko‘zidan panada, yashirin qolib kelgani bo‘lgan.  

---

61 
 
Kremniy        
Mazkur  element  nomi  o‘zbek  tiliga  rus  tilidan  kirib  kelgan.  Uning  ma’nosi  qadimgi 
slavyan tilidagi «kremen» - ya’ni, «qattiq tosh» degan so‘zdan yasalgan. Elementning jahon 
tillarida keng tarqalgan xalqaro nomi – «Silicium»ning ma’nosining kelib chiqishi ham xuddi 
shunday.  Qadimgi  lotinchada  «tosh»,  hamda,  «qoya»  ma’nosini  beruvchi  silex  so‘zi, 
kremniyning  zamonaviy  Yevropa  tillaridagi  nomlanishi  uchun  ildiz  bo‘lgan.  Silikagel, 
silikatlar, silikon va boshqa ko‘plab shunday o‘zakli atamalarning ildizi ham aynan shu bilan 
bog‘liq.  Inglizlar  kremniyni  silicon  deb  yuritishadi.  Shu  o‘rinda,  kimyoga  oid  ilmiy 
tarjimalarda xushyor bo‘lishni talab qiluvchi  bir jihat  mavjud.  Inglizcha matnlarda  silicon – 
aynan kremniy elementi va uni kremniy deb tarjima qilish zarur. Agar uni silikon deb tarjima 
qilinsa,  professional  kimyogar  butunlay  boshqa  moddani  tushunadi.  Chunki,  inglizchada 
silicone  tariqasida  yoziladigan  va  biz  taraflarda  silikon  deb  yuritiladigan  modda  –  tarkibida 
kremniy  bo‘lgan  polimer  birikmadir.  Bunday  silikonlar  moylar,  kauchuklar,  smolalar  va 
implantlar tarkibida mavjud bo‘ladi.