K I m y o ki my oga oi d atama lar etimilo gi ya si

Boriy     
107-raqamli  elementni  1980-yillarda  Germaniyada  sintez  qilingan  va  unga  Nils  Bor 
sharafiga shu nom berilgan.  
Meytneriy     
Element  №109  ham,  1987-yilda  Germaniyada  sintez  qilingan.  Ushbu  elementni 
Avstriyalik olima, 1917-yilda protaktiniy elementining kashf etilishida hammualliflik qilgan 
va  uran  yadrosining  neytronlar  ta’sirida  yadroviy  parchalanishi  zanjir  reaksiyasini  ilmiy 
asoslab bergan fizik Liza Meytner (1878-1968) sharafiga atalgan.  
Rentgeniy     
Nomidan  ham  ma’lumki,  ushbu  elementni  mashhur  nemis  fizigi,  rentgen  nurlari 
kashfiyotchisi Vilgelm Konrad Rentgen (1845-1923) sharafiga nomlashgan.  
Kopernikiy     
Mazkur nom IUPAC tomonidan, mashhur polyak astronomi Nikolay Kopernik (1473-
1543) tavalludining 573-yillik sanasida, ya’ni, 2010-yilning 19-fevral sanasida tasdiqlangan. 
U davriy jadvalda 112-raqam bilan qayd etiladi.  
Oganesson 
Mazkur  element  davriy  jadvalda  118-raqamli  katakda  joylashgan  va  u  og‘ir  ionlarni 
tadqiq  etish,  yadro  fizikasi  va  yangi  kimyoviy  elementlarni  sintez  qilish  sohalarida  ulkan 
xizmat  ko‘rsatgan  olim,  professor  Yuriy  Oganesyan  (1933-yilda  tug‘ilgan)  sharafiga 
nomlangan. Ushbu nom IUPAC tomonidan 2016-yilda tasdiqlandi. 
 

---

48