K I m y o ki my oga oi d atama lar etimilo gi ya si

Bufer eritmalari 
Ingliz  tilida  «buff»  so‘zi  «yumshatmoq»,  «silliqlamoq»  ma’nolarini  beradi.  Bufer 
eritmalari  degan  termin  kimyoda  o‘ziga  kislota  yoki  ishqor  qo‘shilganda  ham  o‘z  pH 
ko‘rsatkichini deyarli o‘zgartirmaydigan eritmalarga aytiladi.  
Byuks  
Kimyogarlar og‘zi zich yopiladigan va ichida reaktivlarni saqlash va  o‘lchash uchun 
foydalanadigan  shisha  stakanni  byuks  deb  nomladilar.  Bu  so‘z  nemischa  «büchse»  so‘zidan 
yasalgan bo‘lib, olmon tilida uning ma’nosi istalgan shisha banka idishni bildiradi.  
Byuretka  
Grafinni  fransuzlar  burette  deyishadi.  Kimyo  laboratoriyalarida  ko‘p  uchraydigan 
titrlash  asbobining  nomi  bo‘lmish  ushbu  termin  bilan,  sirtidan  shkala  chizilgan  uzun  shisha 
nayni bildiradi.  
Deflagmator 
Lotinchada «de-» old qo‘shimchasi biror narsaning boshqa bir narsadan ajralib chiqishi, 
hamda,  shuningdek,  pastga  tomon  harakat  ma’nosini  beradi.  Yunoncha  «phlegma»,  ya’ni, 
flegma so‘zi esa «namlik» va «ho‘l» degan ma’nolarni beradi. Deflagmatorda qaynash harorati 
nisbatan yuqoriroq bo‘lgan suyuqlik pastga oqib borish jarayonida, qaynash harorati pastroq 
bo‘lgan fraksiyalar bug‘lariga qarama-qarshi tushib boradi.